Kavita Khobro

ಮುಂಬಯ್ಚೊ ಕೊಂಕಣಿಚೊ ಮ್ಹಾಲ್ಗಡೊ ಕವಿ ಸುಧೀರ್ ಕೊಡಕಣೀಕ್ ಅವ್ಘಡಾಂತ್ ಮರಣ್

ಕೊಂಕಣಿಚೊ ಮ್ಹಾಲ್ಗಡೊ ಕವಿ ಸುಧೀರ್ ಕೊಡಕಣೀ ಆನಿ ನಾ

ಕೊಂಕಣಿ ಕಾವ್ಯಶೆತಾಕ್ ಮಹತ್ವಾಚಿ ದೇಣ್ಗಿ ದಿಲ್ಲೊ, ಪ್ರಾಯ್ ಲೆಕಿನಾಸ್ತಾಂ ಆಪ್ಲ್ಯಾ ಜಾಳಿಜಾಗ್ಯಾರ್ ಕೊಂಕಣಿ ಭಾಶೆವಿಶಿಂ, ಕವಿತೆವಿಶಿಂ ತವಳ್ ತವಳ್ ಬರೊವ್ನ್ ಆಸಲ್ಲೊ ಮ್ಹಾಲ್ಗಡೊ ಕವಿ ಸುಧೀರ್ ಕೊಡಕಣೀಕ್ ಹ್ಯಾಚ್ ನವೆಂಬರ್ 12 ತಾರಿಕೆರ್ ಮರಣ್ ಆಯ್ಲೆಂ.

ಸುಧೀರ್ ಮಾಮ್ ನವೆಂಬರ್ 12 ತಾರಿಕೆರ್ ಸಕಾಳಿಂ ಮುಂಬಯ್ ಸಾರಸ್ವತ್ ಕೊಲೊನಿಂತ್ಲ್ಯಾ ಬೆಂಕಾಂತ್, ದೇಶಾಂತ್ ಎಕಾನೇಕ್ ಆಯಿಲ್ಲ್ಯಾ ಪರಿಸ್ಥಿತಿ ಥಾವ್ನ್ ಸುಟ್ಕಾ ಜೊಡುಂಕ್, ದುಡು ವಾಟಾಂವ್ಕ್ ಗೆಲ್ಲೆ. ಕಾಂಯ್ ದೋನ್ ವೊರಾಂ ಲೈನಿರ್ ರಾವುನ್ ಸಾಂತಾಕ್ರೂಜ್ ಲಿಂಕಿಂಗ್ ರಸ್ತ್ಯಾವಯ್ಲ್ಯಾ ಆಪ್ಲ್ಯಾ ಸ್ನೇಹ್‌ಕುಂಜ್ ಘರಾಕ್ ಪಾಟಿಂ ಪರ್‍ತತಾನಾ, ವೇಗಾನ್ ಆಯಿಲ್ಲ್ಯಾ ಎಕಾ ಬೈಕಾನ್ ತಾಂಕಾಂ ಧರ್ಣಿಕ್ ಶೆವ್ಟಾಯ್ಲೊ. ಉಪ್ರಾಂತ್ ತೆ ಮತಿರ್ ಆಯ್ಲೆಚ್ ನಾಂತ್. ಸಾಂಜೆರ್ ಸಾಡೆಚ್ಯಾರಾಂಕ್ ತಾಂಕಾಂ ಮರಣ್ ಆಯ್ಲೆಂ ಮ್ಹಣುನ್ ದಾಕ್ತೆರಾಂನಿ ಜಾಹೀರ್ ಕೆಲೆಂ.

ಕರ್ನಾಟಕಾಚ್ಯಾ ನೊವ್ಯಾ ಕ್ಲಾಶಿಚ್ಯಾ ಕೊಂಕಣಿ ಪಾಠ್ ಪುಸ್ತಕಾಂತ್ ತಾಚಿ 'ಬರೆ ಕರುನ್ ರಾಬ್ಬಾತ್ ಸಗ್ಳೆ' ಕವಿತಾ ಆಸಾ. ಕವಿತಾ.ಕೊಮ್ ಜಾಳಿಜಾಗ್ಯಾರ್ ತಾಚ್ಯೊ ದೋನ್ ಕವಿತಾ ಪರ್ಗಟ್ ಜಾಲ್ಯಾತ್. ಕೊಂಕಣಿ ಸುಧಿರ್ ನಾಂವಾಖಾಲ್ ತೊ ಸಾಹಿತ್ಯ್ ಬರಯ್ತಾಲೊ. ಆಪ್ಲ್ಯಾ ತೀನ್ ಜಾಳಿಪಾನಾಂನಿ(jaibharati.tripod.com) (sudkod0.tripod.com)(sudkod.tripod.com) ಕವಿತಾ, ಅನುವಾದ್, ಸಾಹಿತ್ಯ್, ವೀಡಿಯೊ ತೆ ಪರ್ಗಟ್ ಕರುನ್ ಆಸಲ್ಲೆ.

ಮುಂಬಂಯ್ತ್ ಜಾಂವ್ಚ್ಯಾ ಚಡಿತ್ ಕವಿಗೋಷ್ಟಿಂನಿ ತಶೆಂ ಸಾಹಿತ್ಯ್ ಕಾರ್ಯಾವಳಿಂನಿ ತೆ ಭಾಗ್ ಘೆತಾಲೆ.

ತೆ ಆಪ್ಲೆ ಪತಿಣೆ ಸಾಂಗಾತಾ ಸಾಂತಾಕ್ರೂಜಾಂತ್ ರಾವ್ತಾಲೆ ಆನಿ ಹರ್‍ಯೆಕಾ ವರ್ಸಾ ಆಪ್ಲ್ಯಾ ಭುರ್ಗ್ಯಾಂ ಸಾಂಗಾತಾ ರಾವುಂಕ್ ಅಮೆರಿಕೆಕ್ ಭೆಟ್ ದಿತಾಲೆ. ತಾಂಕಾಂ ಅಯ್ಶಿಂ ವರ್ಸಾಂಚಿ ಪ್ರಾಯ್ ಭರಲ್ಲಿ.

ಕವಿತಾ ಟ್ರಸ್ಟ್ ತಾಂಚ್ಯಾ ಮರ್ಣಾ ಥಂಯ್ ದೂಖ್ ಪಾವ್ತಾ ಆನಿ ತಾಂಚ್ಯಾ ಅತ್ಮ್ಯಾಕ್ ಸಾಸ್ಣಿಕ್ ಶಾಂತಿ ಆಶೆತಾ.

कोंकणिचो म्हाल्गडो कवी सुधीर कोडकणी आनी ना

कोंकणी काव्यशेताक महत्वाची देणगी दिल्लो, प्राय लेकिनासतां आपल्या जाळिजाग्यार कोंकणी भाशेविशीं, कवितेविशीं तवळ तवळ बरोवन आसल्लो म्हाल्गडो कवी सुधीर कोडकणीक ह्याच नवेंबर १२ तारिकेर मरण आयलें.

सुधीर माम नवेंबर १२ तारिकेर सकाळीं मुंबय सारस्वत कोलोनिंतल्या बेंकांत, देशांत एकानेक आयिल्ल्या परिस्थिती थावन सुटका जोडुंक, दुडू वाटावंक गेल्ले. कांय दोन वोरां लैनीर रावून सांताक्रूज लिंकिंग रस्त्यावयल्या आपल्या स्नेहकुंज घराक पाटीं परतताना, वेगान आयिल्ल्या एका बैकान तांकां धर्णीक शेवटायलो. उपरांत ते मतीर आयलेच नांत. सांजेर साडेच्यारांक तांकां मरण आयलें म्हणून दाक्तेरांनी जाहीर केलें.

कर्नाटकाच्या नोव्या क्लाशिच्या कोंकणी पाठ पुस्तकांत ताची 'बरे करून राब्बात सगळे' कविता आसा. कविता.कॉम जाळिजाग्यार ताच्यो दोन कविता पर्गट जाल्यात. कोंकणी सुधीर नांवाखाल तो साहित्य बरयतालो. आपल्या तीन जाळिपानांनी (jaibharati.tripod.com) (sudkod0.tripod.com)(sudkod.tripod.com) कविता, अनुवाद, साहित्य, वीडियो ते पर्गट करून आसल्ले.

मुंबंयत जांवच्या चडीत कविगोष्टींनी तशें साहित्य काऱ्यावळिंनी ते भाग घेताले.

ते आपले पतिणे सांगाता सांताक्रूजांत रावताले आनी हरयेका वर्सा आपल्या भुर्ग्यां सांगाता रावुंक अमेरिकेक भेट दिताले. तांकां अयशीं वर्सां प्राय भरल्ली.
कविता ट्रस्ट तांच्या मर्णा थंय दूख पावता आनी तांच्या अत्म्याक सासणीक शांती आशेता.



Title : ಮುಂಬಯ್ಚೊ ಕೊಂಕಣಿಚೊ ಮ್ಹಾಲ್ಗಡೊ ಕವಿ ಸುಧೀರ್ ಕೊಡಕಣೀಕ್ ಅವ್ಘಡಾಂತ್ ಮರಣ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.