Kavita Khobro

ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಉಡುಪಿ ಥಾವ್ನ್ ದೊಗಾಂ ಫೈನಲಾಕ್

ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಉಡುಪಿ ಥಾವ್ನ್ ದೊಗಾಂ ಫೈನಲಾಕ್

ಕವಿತಾ ಟ್ರಸ್ಟಾನ್ ಮಾಂಡುನ್ ಹಾಡಲ್ಲ್ಯಾ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಉಡುಪಿ ಪ್ರಾಥಮಿಕ್ ಪಾಂವ್ಡೊ ಹ್ಯಾಚ್ ನವೆಂಬರ್ 18, 2018 ತಾರಿಕೆರ್ ಶಿರ್ವಾಂ ಸಾವುದ್ ಮಾಯೆಚ್ಯಾ ಇಗರ್ಜೆಚ್ಯಾ ಡೊನ್ ಬೊಸ್ಕೊ ಸಿ.ಬಿ.ಎಸ್.ಈ. ಇಸ್ಕೊಲಾಚ್ಯಾ ಸಭಾಸಾಲಾಂತ್ ಚಲ್ಲೊ. ಸುರ್‍ವೆರ್ ಫಾ. ಅಶ್ವಿನ್ ಆರಾನ್ಹಾನ್ ಹಾಜರ್ ಆಸಲ್ಲ್ಯಾಂಕ್ ತಶೆಂಚ್ ಕವಿತಾ ಟ್ರಸ್ಟಾಚ್ಯಾ ವಾಂಗ್ಡಿಂಕ್ ಯೆವ್ಕಾರ್ ಮಾಗ್ತಚ್ ಟ್ರಸ್ಟಾಚೊ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಕವಿತಾ ಟ್ರಸ್ಟಾಚ್ಯಾ ಮಿಸಾಂವ್ ವಾವ್ರಾವಿಶಿಂ ಝಳಕ್ ದಿಲಿ ಆನಿ ಸರ್ತೆಚ್ಯಾ ನೆಮಾಂವಿಶಿಂ ಮ್ಹಾಯೆತ್ ದಿಲಿ.

ಎವ್ರೆಲ್ ರೊಡ್ರಿಗಸ್, ಎಂಡ್ರ್ಯೂ ಡಿಕುನ್ಹಾ ಆನಿ ಕಿಶೋರ್ ಗೊನ್ಸಾಲ್ವಿಸ್ ಹ್ಯೆ ಸರ್ತೆಕ್ ವೊರಯ್ಣಾರ್ ಜಾವ್ನ್ ಬಸಲ್ಲೆ. ಸರ್ತೆ ಉಪ್ರಾಂತ್ ಎಂಡ್ರ್ಯೂ ಡಿಕುನ್ಹಾನ್ ಭಾಗ್ ಘೆತಲ್ಲ್ಯಾಂಕ್ ಉಲ್ಲಾಸಾಚ್ಯಾ ಉತ್ರಾಂನಿ ಹುಮೆದ್ ಭರ್‍ಲಿ. ಇಗರ್ಜೆಚೊ ಯಾಜಕ್ ಫಾ. ಡೆನಿಸ್ ಡೆಸಾನ್ ಸಾಹಿತ್ಯ್ ಪ್ರಕಾರಾಂತ್ ಕವಿತೆಕ್ ಮಹತ್ವಾಚೆಂ ಸ್ಥಾನ್ ಆಸಾ. ಕವಿತಾ ಎಕಾ ದೇಶಾಚ್ಯೆ ಭಲಾಯ್ಕೆವಿಶಿಂ ಆಮ್ಕಾಂ ಸಾಂಗ್ತಾ ಮ್ಹಣುನ್ ಸಾಂಗುನ್, ಕವಿತಾ ಲೊಕಾಮೊಗಾಳ್ ಕರ್‍ಚೆದಿಶಿಂ ಕವಿತಾ ಟ್ರಸ್ಟಾನ್ ಕರ್‍ಚೊ ವಾವ್ರ್ ಶಾಭಾಸ್ಕೆಚೊ ಮ್ಹಣುನ್ ಸಾಂಗ್ಲೆಂ.

ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಕವಿತಾ ಟ್ರಸ್ಟಾಥಾವ್ನ್ ಪುಸ್ತಕಾಂ ತಶೆಂಚ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.














ಜನೆರ್ 13, 2019 ತಾರಿಕೆರ್ ಮಂಗ್ಳುರಾಂತ್ ಚಲ್ಚ್ಯಾ ಫೈನಲಾಕ್ ವಿಂಚುನ್ ಆಯಿಲ್ಲಿಂ ಹ್ಯೆಪರಿಂ ಆಸಾತ್:

ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಭುರ್ಗ್ಯಾಂಚೊ ಕವಿತಾ ಸಾದರ್ ಸ್ಫರ್ಧೊ:

ರೇವನ್ ಡಾಯಸ್, ಉಡುಪಿ
ನತಾಶಾ ಲೋಬೊ, ಶಿರ್ವಾಂ ಆನಿ ಕ್ಯಾನಿಸಾ ಆನ್ಶಾಲ್ ಡಿಸೋಜಾ,  ಮುದರಂಗಡಿ (ರಿಸರ್ವ್)

ರೋಹನ್ ಆನಿ ಲವೀಟಾ ಮೊಂತೇರೊ, ಯುವಜಣಾಂಚೊ ಕವಿತಾ ಸಾದರ್ ಸ್ಪರ್ಧೊ:

ಸಾರಾ ಡಿಸೋಜಾ, ಮೂಡುಬೆಳ್ಳೆ 

कविता ट्रस्टाची कविता सादर सर्त: उडुपी थावन दोगां फैनलाक

कविता ट्रस्टान मांडून हाडल्ल्या अखिल भारत कोंकणी कविता सादर सर्तेचो उडुपी प्राथमीक पांवडो ह्याच न्होवेंबर १८, २०१८ तारकेर शिर्वां सावूद मायेच्या इगर्जेच्या डॉन बोस्को सी.बी.एस.ई. इस्कोलाच्या सभासालांत चल्लो. सुर‍वेर फा. अश्वीन आरान्हान हाजर आसल्ल्यांक तशेंच कविता ट्रस्टाच्या वांगडींक येवकार मागतच ट्रस्टाचो स्थापक मेल्विन रोड्रीगसान कविता ट्रस्टाच्या मिसांव वावराविशीं झळक दिली आनी सर्तेच्या नेमांविशीं म्हायेत दिली.

एवरेल रोड्रिगस, एंडऱ्यू डिकुन्हा आनी किशोर गोन्साल्वीस ह्ये सर्तेक वोरयणार जावन बसल्ले. सर्ते उपरांत एंडऱ्यू डिकुन्हान भाग घेतल्ल्यांक उल्लासाच्या उत्रांनी हुमेद भर‍ली. इगर्जेचो याजक फा. डेनीस डेसान साहित्य प्रकारांत कवितेक महत्वाचें स्थान आसा. कविता एका देशाच्ये भलायकेविशीं आमकां सांगता म्हणून सांगून, कविता लोकामोगाळ कर‍चेदिशीं कविता ट्रस्टान कर‍चो वावर शाभास्केचो म्हणून सांगलें.

भाग घेतल्ल्या सर्वांक कविता ट्रस्टा थावन पुस्तकां तशेंच प्रमाण पत्रां वांटलीं.

जानेर १३, २०१९ तारकेर मंगळुरांत चलच्या फैनलाक विंचून आयल्लीं ह्येपरीं आसात:

नेल्सन आनी लवीना रोड्रिक्स चाफ्रा देकोस्ता स्मारक भुरगयांचो कविता सादर स्पर्धो:

रेवन डायस, उडुपी
नताशा लोबो, शिर्वां आनी कॅनिसा आनशाल डिसोजा,  मुदरंगडी (रिसर्व)

रोहन आनी लवीटा मोंतेरो, युवजणांचो कविता सादर स्पर्धो:

सारा डिसोजा, मूडुबेळ्ळे 


Title : ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಉಡುಪಿ ಥಾವ್ನ್ ದೊಗಾಂ ಫೈನಲಾಕ್

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.