ಕವಿ ಪರೇಶ್ ನರೇಂದ್ರ ಕಾಮ್ತಿಚ್ಯಾ 'ಚಿತ್ರಲಿಪಿ' ಕಾವ್ಯಸಂಗ್ರಹಾಕ್ ಸಾಹಿತ್ಯ ಅಕಾಡೆಮಿ ಪುರಸ್ಕಾರ್
ಕೊಂಕಣಿ ಕವಿ ಪರೇಶ್ ನರೇಂದ್ರ ಕಾಮತ್ ಹಾಂಕಾಂ 'ಚಿತ್ರಲಿಪಿ' ಕಾವ್ಯ ಸಂಗ್ರಹಾ ಖಾತೀರ್ 2018 ವರ್ಸಾಚೊ ಸಾಹಿತ್ಯ ಅಕಾಡೆಮಿ ಪುರಸ್ಕಾರ್ ಜಾಹೀರ್ ಜಾಲಾ. ಸಾಹಿತ್ಯ ಅಕಾಡೆಮಿನ್ ಭಾರತಾಚ್ಯಾ ಚೊವೀಸ್ ಭಾಸಾಂಚ್ಯಾ ಪುಸ್ತಕಾಂ ಖಾತೀರ್ ದಿಂವ್ಚ್ಯಾ ಹ್ಯಾ ಪುರಸ್ಕಾರಾಕ್ ಸಾತ್ ಕವಿತಾಂಚಿಂ, ಸ ಕಾದಂಬರಿ, ಸ ಮಟ್ವ್ಯಾ ಕಾಣಿಯಾಂಚಿಂ, ತೀನ್ ಸಾಹಿತಿಕ್ ವಿಮರ್ಶಾಚಿಂ, ಆನಿ ದೋನ್ ಪ್ರಬಂಧಾಂಚಿಂ ಪುಸ್ತಕಾಂ ವಿಂಚುನ್ ಕಾಡ್ಲ್ಯಾಂತ್.
ಗೊಂಯ್ಚ್ಯಾ ಪಣ್ಜೆಂತ್ ಫಾರ್ಮಸಿಸ್ಟ್ ಜಾವ್ನ್ ವಾವುರ್ಚೊ ಪರೇಶ್ ಕಾಮತ್ 1968 ಆಗೋಸ್ತಾಂತ್ ಜಲ್ಮಲ್ಲೊ. ತೊ ಗೊಂಯ್ಚ್ಯಾ ಫೊಣ್ಯಾಂತ್ ವಸ್ತಿ ಕರ್ತಾ.
ತಾಂಚೆ ಆಜ್ ಪಾಸುನ್ ಚ್ಯಾರ್ ಕವಿತಾ ಸಂಗ್ರಹ್ ಪರ್ಗಟ್ ಜಾಲ್ಯಾತ್. 'ಅಳಂಗ್" (2000); ಗರ್ಭಖೋಲ್ (2004); ಶುಭಾಂಕರ್ (2009) ಆನಿ 'ಚಿತ್ರಲಿಪಿ' (2013).
ತಾಚ್ಯೊ ಕವಿತಾ ಹಿಂದಿ, ಗುಜ್ರಾಥಿ, ಮರಾಠಿ, ಸಿಂಧಿ, ಪಂಜಾಬಿ ಆನಿ ಬೆಂಗಾಲಿ ಭಾಸಾಂಕ್ ಅನುವಾದಿತ್ ಜಾಲ್ಯಾತ್. 2003 ವ್ಯಾ ವರ್ಸಾ ಸಾಹಿತ್ಯ ಅಕಾಡೆಮಿನ್ ಮೇಘಾಲಯಾಚ್ಯಾ ಶಿಲ್ಲೊಂಗಾಂತ್ ಮಾಂಡುನ್ ಹಾಡಲ್ಲ್ಯಾ ಉದೆಂತ್ ಆನಿ ಉತ್ತರ್-ಅಸ್ತಮ್ತ್ ಕವಿಂಚ್ಯಾ ಮೆಳಾವ್ಯಾಂತ್ ತಾಂಣಿ ಭಾಗ್ ಘೆತ್ಲಾ. ಸಾಹಿತ್ಯ ಅಕಾಡೆಮಿಚ್ಯಾ 'ಅಭಿವ್ಯಕ್ತಿ' ಕಾರ್ಯಕ್ರಮಾಂತ್ ತಾಂಣಿ ವಾಂಟೊ ಘೆತ್ಲಾ.
ತಾಂಕಾಂ ಗೊಂಯ್ ಭಾಷಾ ಮಂಡಳಾ ಥಾವ್ನ್ ಪುರಸ್ಕಾರ್, ಜನಗಂಗಾ ಸಾಹಿತ್ಯ ಪುರಸ್ಕಾರ್, ಗೊಂಯ್ ಕಲಾ ಅಕಾಡೆಮಿ ಸಾಹಿತ್ಯ ಪುರಸ್ಕಾರ್, ಗೊಂಯ್ ಸರ್ಕಾರಾಚೊ ಯುವ ಸೃಜನಾ ಪುರಸ್ಕಾರ್, 2010 ವರ್ಸಾಚೊ ಯೂತ್ ಐಕೋನ್ ಪುರಸ್ಕಾರ್ ಲಾಭ್ಲಾ.
ಕವಿತಾ ಟ್ರಸ್ಟಾಚ್ಯಾ ಕವಿಗೋಷ್ಟಿನ್ ಹ್ಯಾ ಆದಿಂ ತಾಣೆಂ ಭಾಗ್ ಘೆತ್ಲಾ. ಕವಿತಾ ಟ್ರಸ್ಟ್
ಪರೇಶ್ ನರೇಂದ್ರ ಕಾಮತಾಕ್ ಪರ್ಬಿಂ ಪಾಟಯ್ತಾ.
कवी परेश नरेंद्र कामतिच्या 'चित्रलिपी' काव्यसंग्रहाक साहित्य अकाडेमी पुरस्कार
कोंकणी कवी परेश नरेंद्र कामत हांकां 'चित्रलिपी' काव्य संग्रहा खातीर २०१८ वर्साचो साहित्य अकाडेमी पुरकार जाहीर जाला. साहित्य अकाडेमीन भारताच्या चोवीस भासांच्या पुस्तकां खातीर दिंवच्या ह्या पुरस्काराक सात कवितांचीं, स कादंबरी, स मटव्या काणयांचीं, तीन साहितीक विमर्शाचीं, आनी दोन प्रबंधांचीं पुस्तकां विंचून काडल्यांत.
गोंयच्या पणजेंत फार्मसिस्ट जावन वावूरचो परेश कामत १९६८ आगोस्तांत जल्मल्लो. तो गोंयच्या फोण्यांत वस्ती करता.
तांचे आज पासून च्यार कविता संग्रह पर्गट जाल्यात. 'अळंग" (२०००); गर्भखोल (२००४); शुभंकर (२००९) आनी 'चित्रलिपी' (२०१३).
ताच्यो कविता हिंदी, गुज्राथी, मराठी, सिंधी, पंजाबी आनी बेंगाली भासांक अनुवादीत जाल्यात. २००३ व्या वर्सा साहित्य अकाडेमीन मेघालयाच्या शिल्लोंगांत मांडून हाडल्ल्या उदेंत आनी उत्तर-अस्तम्त कविंच्या मेळाव्यांत तांणी भाग घेतला. साहित्य अकाडेमिच्या 'अभिव्यक्ती' काऱ्यक्रमांत तांणी वांटो घेतला.
तांकां गोंय भाषा मंडळा थावन पुरस्कार, जनगंगा साहित्य पुरस्कार, गोंय कला अकाडेमी साहित्य पुरकार, गोंय सर्काराचो यूव सृजना पुरस्कार, २०१० वर्साचो यूत ऐकोन पुरस्कार लाभला.
कविता ट्रस्टाच्या कविगोष्टीन ह्या आदीं ताणें भाग घेतला. कविता ट्रस्ट
परेश नरेंद्र कामताक परबीं पाटयता.