Kavita Kular

ಬಲಿ ಕೋಣ್?

ಸಂಪಾದಕೀಯ್:

ಹೋಮ್ ಸ್ಟೇ ಪ್ರಕರಣಾಚಿಂ ಯೆದೊಳ್ ಸಾಂಪ್ಡೊಂಕ್ ನಾತಲ್ಲಿಂ ಕುಸಾಂ

ಹೋಮ್ ಸ್ಟೇ ಪ್ರಕರಣಾಚಿ ಆನ್ಯೇಕ್ ಕೂಸ್ ಬೋವ್ ಆಪುರ್ಬಾಯೆನ್ ಪಿಂತ್ರಾಯ್ಲ್ಯಾ ವಿಲ್ಮಾ ಬಂಟ್ವಾಳಾನ್ ಆಪ್ಲೆ ಕವಿತೆಂತ್. ತಿ, ಆಕ್ರಮಣ್‍ಗಾರಾಂಚೆ ಭಯ್ಣಿಂವಿಶಿಂ ಚಿಂತಾ. ತಾಂಚೊ ಫುಡಾರ್ ಕಸೊ ಜಾತಲೊ ಮ್ಹಣೊನ್ ಹುಸ್ಕೆತಾ. ತಿ, ಆಕ್ರಮಣ್‌ಗಾರಾಂಚೆ ಆವಯ್‌ವಿಶಿಂ ಚಿಂತಾ, ತಿಚ್ಯಾ ಪೊಟಾಚಿ ಗತ್ ಕಿತೆಂ ಜಾತಲಿ ಮ್ಹಣೊನ್ ಚಡ್ಪಡ್ತಾ.

ತಿತ್ಲೆಂಚ್ ನ್ಹಯ್, ಹ್ಯಾ ಸಕ್ಡಾಕ್ ಪಡ್ದ್ಯಾ ಪಾಟ್ಲೊ ಕೊಲೊ ಕಾರಣ್ ಮ್ಹಣೊನ್ ತಿಕಾ ಕಳಿತ್ ಆಸಾ. ತ್ಯಾ ಕೊಲ್ಯಾಚೆಂ ಏಕ್ ಕಾಮ್ ಜಾಲಾಂ. ಆಕ್ರಮಣ್‍ಗಾರ್ ಜೈಲಾಂತ್ ಆಸಾತ್ ತರ್ ಕಿತೆಂ ಜಾಲೆಂ? ಆನ್ಯೇಕ್ ಆದೇಶ್ ದೀಂವ್ಕ್ ಹೊ ಕೊಲೊ ತಯಾರ್ ಜಾಲಾ. ಆದೇಶ್ ಪಾಳ್ತಲೆ ನಾಂತ್ ತರ್ ಕಿತೆಂ ಜಾಲೆಂ, ವೆಗ್ಳೆ ಹಾತ್ ಆಪ್ಣಾಕ್ ಸಾಂಪಡ್ತಲೆ ಮ್ಹಳ್ಳೆ ಗ್ಯಾರಂಟಿ ತಾಕಾ ಆಸಾ.

ವಿಲ್ಮಾಚಿ ಕವಿತಾ ಹ್ಯಾ ಪ್ರಕರಣಾಂತ್ ಯೆದೊಳ್ ಸಾಂಪ್ಡೊಂಕ್ ನಾತಲ್ಲಿಂ ಕುಸಾಂ ಸೊದ್ಚ್ಯಾಂತ್ ಸುಫಳ್ ಜಾಲ್ಯಾ.

-ಮೆಲ್ವಿನ್ ರೊಡ್ರಿಗಸ್

ಕವಿತಾ:

 

 

 

 

 

 

ಬಲಿ ಕೋಣ್?

ದೇವ್ ಮ್ಹಣ್ ಪಾತ್ಯೆಲ್ಲ್ಯಾ ಮನ್ಶಾಚ್ಯಾ
ಫರ್ಮಾಣಾಕ್,
ಥೊಡ್ಯೊ ಬೂದ್ ನಾತಲ್ಲ್ಯೊ ತಕ್ಲ್ಯೊ
ಪಿಶ್ಯೊ ಜಾಲ್ಯೊ.

ಆದೇಶ್ ಪಾಳ್ಚೆ ಹಾತ್
ತರ್ನ್ಯಾಂ ವಯ್ರ್ ಉಟ್ಲೆ.
ಕೆಮರಾಂಚೆ ಲೈಟ್ ಪೆಟ್ಲೆ,
ಗಾಂವಾರ್ ಖಜ್ನೆ ಫುಟ್ಲೆ.
ಚ್ಯಾನೆಲಾಂಕ್ ಭಾಜಲ್ಲೆಂ ಮೆಳ್ಳೆಂ
ಪತ್ರಾಂನಿ ಹಪ್ತೊಭರ್ ವ್ಹಾಳ್ಳೆಂ
ಕೊಲೆಜಿಂಕ್ ರಜಾ ಮೆಳ್ಳಿ
ಫುಡಾರ‍್ಯಾಂಕ್ ಪ್ರಚಾರ್ ಲಾಭ್ಲೊ.
ಸರ್ವಾಂಕ್ ತಾಂತಾಂಚ್ಯಾ ವಾಂಟ್ಯಾಚೆಂ ಮೆಳ್ಳೆಂ!!
ತರ್ ಬಲಿ ಕೋಣ್?

ತಿಂ ಭುರ್ಗಿಂ ತರೀ ವ್ಹಡಾಂಗೆಲಿಂ
ಪರ್ಗಾಂವಾಂತ್ ಪುಣಿ ಫುಡಾರ್ ಬಾಂದ್ತಿತ್.
ವ್ಹಾಳೊನ್ ಆಯಿಲ್ಲ್ಯಾ ಪಾಟಿಂಬ್ಯಾ ವಾರ‍್ಯಾಕ್
ಉಟೊನ್ ಉಬಿಂ ರಾವ್ತಿತ್.
ತರ್ ಬಲಿ ಕೋಣ್?

ಘರ‍್ಚೊ ಪೂತ್ ಫಸ್ಲಾ ಕೊಣಾ ಪಾಪಿಯಾಚ್ಯಾ ಉತ್ರಾಂಕ್
ಉಜೊ ಪಳೆ ಪೆಟ್ಲಾ ತ್ಯಾ ದುಬ್ಳ್ಯಾ ಕುಟ್ಮಾಕ್.
ಪುತಾಕ್ ರಾಕೊನ್ ಥಕ್ಲ್ಯಾತ್
ಪಿರಾಯೆಚೆ ದೊಳೆ ಮಾಂದ್ರೆರ್.
ಕಾಜಾರಾಕ್ ಆಯಿಲ್ಲ್ಯೊ ಭಯ್ಣಿ
ಕಂಗಾಲ್ ಚಿಂತುನ್ ಫುಡಾರ್.
ಪುತಾಚೆರ್ ಪಾತ್ಯೆಣಿ ದವರಲ್ಲಿಂ
ಆಜ್ ಭುಕೆನ್ ಮೆಲ್ಯಾಂತ್ ಪೊಟಾಂ.
ಸರಳಾಂ ಪಾಟ್ಲ್ಯಾನ್ ಚೆಂಚ್ಲ್ಯಾಂತ್
ಆದೇಶ್ ಪಾಳ್ಚ್ಯಾ ಹಾತಾಂಚಿಂ ಬೊಟಾಂ.
ತರ್ ಬಲಿ ಕೋಣ್?

ಪರ‍್ದ್ಯಾ ಪಾಟ್ಲೊ ಕೊಲೊ ಆಜೂನ್ ಸುಶೆಗಾತ್ ಭೊಂವ್ತಾ
ಆದೇಶ್ ಪಾಳ್ಚ್ಯಾ ವೆಗ್ಳ್ಯಾ ಹಾತಾಂಕ್ ಸೊದುನ್..

-ವಿಲ್ಮಾ ಬಂಟ್ವಾಳ್


Comment on this article

  • Wilson, Kinnigoli

    Sun, Sep 2 2012

    nice one wilma.... different angle... very gud

    DisAgree Agree Reply

  • vallyvagga, Mysore

    Fri, Aug 31 2012

    'ಹೋಮ್ ಸ್ಟೇ' ಪ್ರಕರಣಾ ಭಿತರ್, ಮಾತ್ಯಾಕ್ ವೋಲ್ ಪಾಂಗ್ರುನ್ ಲಿಪೊನ್ ಬಸ್ಲೆಲೆ ಸೂಕ್ಷ್ಮ್ ವಿಶಯ್ ಸೊಧುನ್ ಕಾಡುನ್, ಅಪುರ್ಬಾಯೆಚಿ ಕವಿತಾ ವಿಣ್ಲೆಲ್ಯಾ ಬಂಟ್ವಾಳ್ಚ್ಯಾ ವಿಲ್ಮಾಕ್, ಹೊಗ್ಳಿಕ್ ಫಾವೊ !

    DisAgree Agree Reply


Title : ಬಲಿ ಕೋಣ್?

Please fill in the form below with your feedback/ suggestions .

Fields marked with * are necessary



Disclaimer : Please write your correct name and email address. Kindly do not post any personal, abusive, defamatory, infringing, obscene, indecent, discriminatory or unlawful or similar comments. kavitaa.com/konkanipoetry.com will not be responsible for any defamatory message posted under this article.

Please note that sending false messages to insult, defame, intimidate, mislead or deceive people or to intentionally cause public disorder is punishable under law. It is obligatory on kavitaa.com / konkanipoetry.com to provide the IP address and other details of senders of such comments, to the authority concerned upon request.

Hence, sending offensive comments using kavitaa.com / konkanipoetry.com will be purely at your own risk, and in no way will kavitaa.com / konkanipoetry.com be held responsible.


 A  B  C  D  E  F  G  H  I  J  K  L  M
 
 N  O  P  Q  R  S  T  U  V  W  X  Y  Z