ಸಂಪಾದಕೀಯ್:

ನವ್ಯಾ ತಂತ್ರಗಿನ್ಯಾನಾಕ್ ಲಾಗುನ್ ದೇವ್ ಲೆಗುನ್ ಬದ್ಲತಾ

ಮಾಗೀರ್ ದೇವ್ ಮಾತ್ರ್ ಕಿತ್ಯಾಕ್ ಪಾಟಿಂ? ತಾಣೇಂಯ್ ಬದ್ಲಜಾಯ್. ತಾಣೇಂಯ್ ನವ್ಯಾ ರುಪಾನ್ ಸಜೊಂವ್ಕ್ ಜಾಯ್. ಮಾಗ್ತಲ್ಯಾಂಕ್ ತಾಣೆಂ ಸೊಬಿತ್, ಸುಂದರ್ ದಿಸೊಂಕ್ ಜಾಯ್ ಮಾತ್ರ್, ದಿಸಾಂಚಿಂ ಚೊವೀಸ್ ವೊರಾಂಯ್ ಜಾಯ್ ಮ್ಹಣ್ತಾನಾ ಕಂಪ್ಯೂಟರಾಚೊ ಬುತಾಂವ್ ದಾಂಬ್ತಾನಾ ಸಂಸಾರ್ ಸಗ್ಳೊ ಮುಕಾರ್ ರಾವಲ್ಲೆಬರಿ, ಲೊಕಾಚ್ಯಾ ದೊಳ್ಯಾಂ ಸಾಮ್ಖಾರ್ ದಿಸೊಂಕ್ ಜಾಯ್.

ದೆವಾಕ್ ಬದ್ಲೊಂಚಿ ಹಿ ಯೆವ್ಜಣ್ ಕೊಣಾಚಿ? ದೆವಾಕ್ ರಚಲ್ಲ್ಯಾಂಚಿ! ದೆವಾಚ್ಯಾ ನಾಂವಾನ್ ದುಡು ಕಮಾಂವ್ಚ್ಯಾಂಚಿ. ಕಿತ್ಯಾಕ್ ಮ್ಹಳ್ಯಾರ್ ನವ್ಯಾ ಭಕ್ತಾಂಕ್ ಮಾಂಕೊಡ್ ಕರುಂಕ್, ನವ್ಯಾ ಮನ್ಶಾಂಕ್ ಆಕರ್ಶಿತ್ ಕರುಂಕ್ ತಾಂಕಾಂ ಹಿ ನವಿ ವಾಟ್ ಸುಚ್ಲ್ಯಾ - ಇಂಟರ್ ಎಕ್ಟೀವ್ ದೆವಾಚಿ.

ದೇವ್ ಮ್ಹಳ್ಯಾರ್ ‘ಬೋರ್’ (ಉಬ್ಗಣ್) ಹಾಡ್ಚಿ ವಸ್ತ್ ಜಾವ್ನ್ ಗೆಲಿ ಜಾಲ್ಯಾರ್? ದೆಕುನ್ ಹಿ ಬದ್ಲಾವಣ್.

-ಮೆಲ್ವಿನ್ ರೊಡ್ರಿಗಸ್

संपादकीय:

नव्या तंत्रगिन्यानाक लागून देव लेगून बदलता

मागीर देव मात्र कित्याक पाटीं? ताणेंय बदलजाय. ताणेंय नव्या रुपान सजोवंक जाय. माग्तल्यांक ताणें सोबीत, सुंदर दिसोंक जाय मात्र, दिसांचीं चोवीस वोरांय जाय म्हणताना कंप्यूटराचो बुतांव दांबताना संसार सगळो मुकार रावल्लेबरी, लोकाच्या दोळ्यां सामखार दिसोंक जाय.

देवाक बदलोंची ही येवजण कोणाची? देवाक रचल्ल्यांची! देवाच्या नांवान दुडू कमांवच्यांची. कित्याक म्हळ्यार नव्या भक्तांक मांकोड करुंक, नव्या मनशांक आकर्शीत करुंक तांकां ही नवी वाट सुचल्या - इंटर एकटीव देवाची.

देव म्हळ्यार ‘बोर’ (उबगण) हाडची वसत जावन गेली जाल्यार? देकून ही बदलावण.

-मेलवीन रोड्रिगस

कविता:

नवी खबर

येता रे येता
प्लासटिकाचो देव येता
आमचे प्रगतिचें प्रतीक जावन
इंटर एकटीव देव येता!

जड जड्डे पर‍्ने देव
काडून उडय पयस पयस -
शिलायूग संपलें केन्नांच
टेक्नोलोजीक फुटलें कणस !

देवाळ नाका देवळी नाका -
मंत्र नाका, तंत्र नाका
भट‌जी आनी गुरूजी नाका
चोवीस वोरांय दर्शन दिता !

फोटो वयर वाळती येत -
मात्ये मूर्ती फुटून वचत
घातुबिंबाक चीर पडत
पर‍्नीं सगळीं दान दियात !

डिस्पोसेबल आर्ती येता -
डिस्पोसेबल घांट येता -
गोमटें आनी ल्हान हल्कें
डिस्पो-गर्भकूड येता !

येता रे येता -
फायबराचें बळ घेवन
सिलिकोनाचें हर्धें घेवन
हासून आशीर्वाद दिवपी
इंटर एकटीव देव येता !

-शरत चंद्र शेणै