ಸಾಹಿತ್ಯ ಅಕಾಡೆಮಿಚ್ಯೆ ’ಕವಿಸಂಧಿ’ ಕಾರ್ಯಾವಳಿಂತ್ ಗಿನ್ಯಾನ್ ಆನಿ ಶಾಣೆಪಣಾಚಿ ಚರ್ಚಾ
ಸಾಹಿತ್ಯ ಅಕಾಡೆಮಿ, ಕವಿತಾ ಟ್ರಸ್ಟ್ ಆನಿ ಕೊಂಕ್ಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಟಾನ್ ಹಾಂಚ್ಯಾ ಜೋಡ್ ಆಶ್ರಯಾಖಾಲ್ ಮಂಗ್ಳುರ್ ವಿಶ್ವ ಕೊಂಕಣಿ ಕೇಂದ್ರಾಂತ್ ನಾಮ್ನೆಚೆ ಕೊಂಕ್ಣಿ ಕವಿ ನೀಲ್ಬಾ ಖಾಂಡೇಕರ್ ಹಾಂಚೆಥಾವ್ನ್ ’ಕವಿಸಂಧಿ’ ಮ್ಹಳ್ಳೆಂ ಸಾಹಿತೀಕ್ ಕಾರ್ಯೆಂ ಚಲ್ಲೆಂ.
ಕೊಂಕ್ಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಟಾನ್ ಹಾಚೆ ಅಧ್ಯಕ್ಷ್ ನಂದಗೋಪಾಲ್ ಶೆಣೈ, ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೂ ಬಾರ್ಕೂರ್ ಹಾಂಣಿ ನೀಲ್ಬಾ ಖಾಂಡೇಕಾರಾಕ್ ಸ್ವಾಗತ್ ಮಾಗ್ಲೊ. ಸಾಹಿತ್ಯ್ ಅಕಾಡೆಮಿ ಕೊಂಕಣಿ ವಿಭಾಗಾಚೊ ನಿಮಂತ್ರಕ್ ಮೆಲ್ವಿನ್ ರೊಡ್ರಿಗಸ್ ಹಾಂಣಿ ನೀಲ್ಬಾಚಿ ವಳಕ್ ಕರ್ನ್ ದಿಲಿ.
![](http://www.kavitaa.com/images2/kavisandhi_260524_1.jpg)
![](http://www.kavitaa.com/images2/kavisandhi_260524_2.jpg)
![](http://www.kavitaa.com/images2/kavisandhi_260524_3.jpg)
![](http://www.kavitaa.com/images2/kavisandhi_260524_4.jpg)
![](http://www.kavitaa.com/images2/kavisandhi_260524_5.jpg)
![](http://www.kavitaa.com/images2/kavisandhi_260524_7.jpg)
![](http://www.kavitaa.com/images2/kavisandhi_260524_6.jpg)
![](http://www.kavitaa.com/images2/kavisandhi_260524_8.jpg)
![](http://www.kavitaa.com/images2/kavisandhi_260524_9.jpg)
![](http://www.kavitaa.com/images2/kavisandhi_260524_10.jpg)
ಆಪ್ಲ್ಯಾ ಉಲೊವ್ಪಾಂತ್ ನೀಲ್ಬಾ ಮ್ಹಣಾಲೊಕಿ "ಬರೊಂವ್ಚೆಂ ದೆಣೆಂ ಮ್ಹಜೆ ಥಂಯ್ ಆಸ್ಲ್ಲೆಂ ತೆಂ ಖರೆಂ. ಪುಣ್ ಗಜಾಲಿ ಆನಿ ಘಡಿತಾಂ ಮಧೆಂ ಆಸ್ಚಿ ವಾಸ್ತವಿಕತಾ ಸಮ್ಜೊಂಚಿ ಉರ್ಬಾ ಆಸ್ಲೆಲ್ಯಾನ್ ಹಾಂವ್ ಕವಿ ಜಾಲೊಂ. ವೆಳಾಚೆ ಆನಿ ಕಾಳಾಚೆ ಧಾಂವ್ಣೆಂತ್ ಫುಲ್ಲ್ಲ್ಯಾ ಚಿಂತ್ಪಾಂನಿ ಮ್ಹಜ್ಯಾ ಕವನಾಂಕ್ ಅರ್ಥ್ ದಿಲೊ. ಇತಿಹಾಸ್ ಆನಿ ಪ್ರಚಲಿತ್ ಸಂಸಾರ್ ಕಿತೆಂ ಮ್ಹಣ್ ಪಾರ್ಕುಂಕ್ ಶಿಕ್ಲೆಲ್ಯಾನ್ ಮ್ಹಜಾ ಕವನಾಂಕ್ ಬರೆಂ ಪಾಠ್ಥಳ್ ಘಾಲುಂಕ್ ಮ್ಹಜ್ಯಾನ್ ಸಾಧ್ಯ್ ಜಾಲೆಂ. ಹಾಚೆ ಸಾಂಗಾತಾ ಮಹಾತ್ಮ ಗಾಂಧಿ, ದಾಬೋಲ್ಕರ್ ಆನಿ ಗೌರಿ ಲಂಕೇಶ್ ತಸಲ್ಯಾಂಚ್ಯಾ ಚಿಂತ್ಪಾಕ್ ಲಾಗಿಂ ಪಾವ್ಲೆಲ್ಯಾನ್ ವಿಚಾರ್ವಾದಾಕ್ ಉಕಲ್ನ್ ಧರ್ಚ್ಯಾಕ್ ಪ್ರೇರಣ್ ಲಾಭ್ಲೆಂ."
ಮುಂದರುನ್ ನೀಲ್ಬಾನ್ ತಾಚ್ಯಾ ಸಾಹಿತ್ಯಾಂತ್ ಸಾಮಾಜಿಕ್ ಘಡಿತಾಂಚೊ ಉಲ್ಲೇಖ್ ಕಸೊ ಆಸಾ ಆನಿ ಕಿತ್ಯಾ ಖಾತಿರ್ ಹೊ ಉಲ್ಲೇಕ್ ಚಲ್ತಾ ಮ್ಹಳ್ಳೆ ವಿಶಿಂ ಸಂಕ್ಷಿಪ್ತ್ ಚಿತ್ರಣ್ ಪ್ರಸ್ತುತ್ ಕೆಲೆಂ. ಹ್ಯಾಚ್ ವೆಳಾರ್ ತಾಂಣಿ ಬರಯಿಲ್ಲೊ ’ಪಂಚಾಗ್ನಿ’ ಮ್ಹಳ್ಳೊ ಬೂಕ್ ಲೋಕಾರ್ಪಣ್ ಜಾಲೊ.
![](http://www.kavitaa.com/images2/kavisandhi_260524_11.jpg)
![](http://www.kavitaa.com/images2/kavisandhi_260524_12.jpg)
![](http://www.kavitaa.com/images2/kavisandhi_260524_13.jpg)
![](http://www.kavitaa.com/images2/kavisandhi_260524_14.jpg)
![](http://www.kavitaa.com/images2/kavisandhi_260524_15.jpg)
![](http://www.kavitaa.com/images2/kavisandhi_260524_16.jpg)
![](http://www.kavitaa.com/images2/kavisandhi_260524_17.jpg)
![](http://www.kavitaa.com/images2/kavisandhi_260524_18.jpg)
![](http://www.kavitaa.com/images2/kavisandhi_260524_19.jpg)
ಕವಿಸಂಧಿ ಸೊಂಪ್ತಚ್ ಕೊಂಕ್ಣಿ ಸಾಹಿತ್ಯಕಾರ್, ವಿಮರ್ಶಕ್ ಎಚ್ಚೆಮ್ ಪೆರ್ನಾಲ್ ಹಾಂಣಿ ನೀಲ್ಬಾ ಖಾಂಡೆಕಾರ್ ಆನಿ ಕೊಂಕ್ಣಿ ಕವಯತ್ರಿ ಸ್ಮಿತಾ ಶೆಣೈ ಹಾಂಚ್ಯಾ ’ಖೆಳ್’ ವಿಶಯಾಚೆರ್ ಆಧಾರಿತ್ ಕವನಾಂ ವಯ್ರ್ ಕವಿತಾ vs ಕವಿತಾ ಭಾಸಾಭಾಸ್ ಚಲಯ್ಲಿ.
ಡೊ. ಚಾರ್ಲ್ಸ್ ಲೋಬೊ, ಮುರಳೀಧರ್ ಕಾಮತ್, ನಂದಗೋಪಾಲ್ ಶೆಣೈ, ಎಂಟನಿ ಬಾರ್ಕೂರ್ ಆನಿ ಹೆರಾಂನಿ ತಾಂಚೆ ವಿಚಾರ್ ಮಾಂಡ್ಲೆ.
ಸ್ಟ್ಯಾನಿ ಬೆಳಾನ್ ಕಾರ್ಯೆಂ ಚಲೊವ್ನ್ ವ್ಹೆಲೆಂ.
ಖಬರ್: ಸ್ಟ್ಯಾನಿ ಬೆಳಾ
ತಸ್ವೀರ್ ಕುರ್ಪಾ: ಆಲ್ಫೋನ್ಸ್ ಮೆಂಡೊನ್ಸಾ, ಪಾಂಗ್ಳಾ
साहित्य अकादेमीचे ’कवीसंधी’ कार्यावळींत गिन्यान आनी शाणेपणाची चर्चा
साहित्य अकादेमी, कविता ट्रस्ट आनी कोंकणी भास आनी संस्कृती प्रतिष्टान हांच्या जोड आश्रयाखाल मंगळूर विश्व कोंकणी केंद्रांत नामनेचे कोंकणी कवी नीलबा खांडेकार हांचे थावन ’कवीसंधी’ म्हळ्ळें साहितीक कार्यें चल्लें.
कोंकणी भास आनी संस्कृती प्रतिष्टान हाचे अध्यक्ष नंदगोपाल शेणै, कविता ट्रस्ट अध्यक्ष किशू बार्कूर हांणी नीलबा खांडेकाराक स्वागत मागलो. साहित्य अकादेमी कोंकणी विभागाचो निमंत्रक मेल्विन रोड्रीगस हांणी नीलबाची वळक करन दिली.
आपल्या उलोवपांत नीलबा म्हणालोकी "बरोंवचें देणें म्हजे थंय आसल्लें तें खरें. पूण गजाली आनी घडितां मधें आसची वास्तविकता समजोंची उरबा आसलेल्यान हांव कवी जालों. वेळाचे आनी काळाचे धांवणेंत फुलल्ल्या चिंतपांनी म्हज्या कवनांक अर्थ दिलो. इतिहास आनी प्रचलीत संवसार कितें म्हण पारकूंक शिकलेल्यान म्हजा कवनांक बरें पाठथळ घालुंक म्हज्यान साध्य जालें. हाचे सांगाता महात्मा गांधी, दाबोल्कर आनी गौरी लंकेश तसल्यांच्या चिंतपाक लागीं पावलेल्यान विचारवादाक उकलन धरच्याक प्रेरण लाभलें."
मुंदरून नीलबान ताच्या साहित्यांत सामाजीक घडितांचो उल्लेख कसो आसा आनी कित्या खातीर हो उल्लेक चलता म्हळ्ळे विशीं संक्षिप्त चित्रण प्रस्तूत केलें. ह्याच वेळार तांणी बरयिल्लो ’पंचाग्नी’ म्हळ्ळो बूक लोकार्पण जालो.
कवीसंधी सोंपतच कोंकणी साहित्यकार, विमर्शक एच्चेम पेर्नाल हांणी नीलबा खांडेकार आनी कोंकणी कवयत्री स्मिता शेणै हांच्या ’खेळ’ विशयाचेर आधारीत कवनां वयर कविता vs कविता भासाभास चलयली.
डॉ. चारल्स लोबो, मुरळीधर कामत, नंदगोपाल शेणै, एंटनी बार्कूर आनी हेरांनी तांचे विचार मांडले.
स्टॅनी बेळान कार्यें चलोवन व्हेलें.
खबर: स्टॅनी बेळा
तस्वीर कुर्पा: आल्फोन्स मेंडोन्सा, पांगळा