ಕವಿತಾ ಟ್ರಸ್ಟ್ ಹಾಂಣಿ ದಾಯ್ಜಿವರ್ಲ್ಡ್ ಟೆಲಿವಿಶನಾಚೆರ್ ಮಾಂಡುನ್ ಹಾಡ್ಚ್ಯಾ ಬಿರಿಬಿರಿ ಪಾವ್ಸ್ - ಸೀಸನ್ 5 ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚ್ಯಾ ರಿಯಾಲಿಟಿ ಶೋ-ಚೆಂ ಗೊಂಯ್ಚೆಂ ಒಡಿಶನ್ ಹ್ಯಾಚ್ ಜುಲಾಯ್ 26, 2026 ತಾರಿಕೆರ್ ಮಡ್ಗಾಂವ್ ಬೋರ್ಡಾ ಹಾಂಗಾಸರ್ ಆಸ್ಚ್ಯಾ ಸರ್ಕಾರಿ ಕೊಲೆಜಿಚ್ಯಾ ಸಭಾಸಾಲಾಂತ್, ಕೊಂಕಣಿ ಭಾಶಾ ಮಂಡಳ್ ಗೋವಾ ಹಾಂಚ್ಯಾ ಸಹಯೋಗಾನ್ ಚಲ್ಲೆಂ. ಹಿ ಸರ್ತ್ ಪಂದ್ರಾ ವರ್ಸಾಂ ಭಿತರ್ಲ್ಯಾಂಕ್ ತಶೆಂ ಪಂದ್ರಾ ತೆಂ ತೀಸ್ ವರ್ಸಾಂ ಭಿತರ್ಲ್ಯಾಂಕ್ -ಅಶೆಂ ದೋನ್ ವಿಭಾಗಾಂನಿ ಚಲ್ಲಿ. ಹ್ಯಾ ಒಡಿಶನಾಚ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂತ್ ಆಟ್ಟಾವೀಸ್ ಜಣಾಂನಿ ಆನಿ ಯುವಜಣಾಂಚ್ಯಾ ವಿಭಾಗಾಂತ್ ಸತ್ರಾ ಜಣಾಂನಿ ಭಾಗ್ ಘೆತ್ಲೊ. ಕವಿ ಮೆಲ್ವಿನ್ ರೊಡ್ರಿಗಸಾನ್ ವೊರಯ್ಣಾರ್ ಜಾವ್ನ್ ಮುಕ್ಲ್ಯಾ ಪಾಂವ್ಡ್ಯಾ ಖಾತೀರ್ವಿಂ...