ಸಂಪಾದಕೀಯ್:
ಸೊಡ್ವಣ್ದಾರಾಕ್ ಆಲ್ತಾರ್ ನಾಕಾ
ಕವಿತಾ ಕುಳಾರಾಂತ್ 'ಆಲ್ತಾರ್ ಆನಿ ಚಾಮಾದೊರ್' ಕವಿತಾ ಆಮಿ ಪರ್ಗಟ್ ಕೆಲ್ಲಿ. ತಾಕಾ ಜಾಪ್ ಮ್ಹಳ್ಳೆಬರಿ ಹಿ ಕವಿತಾ ಹಾಂಗಾಸರ್ ಉದೆಲ್ಯಾ. ಎಕೆಕ್ಲ್ಯಾಚೊ ವಿಚಾರ್ ಆಗ್ಳೊ ವೆಗ್ಳೊ ಆಸ್ತಾ. ತೆಂ ವೆಗ್ಳೆಪಣ್ ಉಚಾರುಂಕ್ ಹರ್‍ಯೆಕ್ಲ್ಯಾಕ್ ಅಧಿಕಾರ್ ಆಸ್ತಾ. ಏಕ್ ವಿಚಾರ್ ಆನ್ಯೇಕಾ ವಿಚಾರಾಕ್ ಸೃಷ್ಟಿ ಕರ್‍ತಾ ತರ್, ಥಂಯ್ಸರ್ ಸರ್ಜನ್‍ಶೀಳತಾ ಧಾರಾಳ್ ವ್ಹಾಳ್ತಾ ಮ್ಹಣ್ ಜಾಲೆಂ.
ಮ್ಹಣ್ತಾನಾ ಎಕಾ ವಿಶಯಾಚೆರ್ ಧಾ ಜಣ್ ಅಸ್ವಸ್ಥ್ ಜಾತಾನಾ, ನವೆಂ ಚಿಂತಪ್ ಜಲ್ಮಾಕ್ ಯೆತಾ. ತಶೆಂಚ್ ಘಡ್ಲಾಂ ಹಾಂಗಾಸರ್. ಹಿ ಕವಿತಾ 'ಆಲ್ತಾರ್ ಆನಿ ಚಾಮಾದೊರ್' ಕವಿತೆಚ್ಯಾ ಪಂಚಾಂಗಾ ವಯ್ಲ್ಯಾನ್ ವಾಚುಂಯೆತಾ. ಯಾ ತಿಚೆವಿಣೇಂಯ್ ವಾಚುಂಕ್ ಸಮ್ಜುಂಕ್ ಜಾತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಮಾನಾಚೆಂ ಪಿಶೆಂ
ಮಾತಿಯೆ ಪುತ್ಳೆನ್‌ಗಾ ಆಲ್ತಾರಿಂತ್ ಬಸ್ಚೆಂ
ಉಪ್ರಾಂತ್ ಕೊಣೆಂ ತರೀ ತಾಕಾ ಭಜ್ಚೆಂ
ಸೊಡ್ವಣ್ದಾರಾನ್‌ಗಾ ಆಲ್ತಾರಿವಿಣ್ಯಾ ಮಾನಾನ್ ಭರ್‍ಚೆಂ
ಸಂಸಾರಾನ್ ತಾಕಾ ಫವ್ಜೆ ಬರಾಬರ್ ಉಕಲ್ನ್ ಧರ್‍ಚೆಂ
ತೆವಾಂ ಫುಲ್‌ಲ್ಲ್ಯಾ ಧಲ್‌ಲ್ಲ್ಯಾ ಮನಾಂ ಮಧ್ಲ್ಯಾನ್
ಫಾರಿಜೆವಾನ್ ಮಾತ್ರ್ ಮೊಸ್ರಾನ್ ಶಿಜ್ಚೆಂ
ಮೆಲ್ಲ್ಯಾ ಮಡ್ಯಾಕ್ ಘಾಣ್ ಪಡುಂಕ್‌ನಜೊ ತರ್
ಪುರುಂಕ್ ಚಾಮಾದೊರ್ ಜಾಯಿಚ್‌ಗಾ
ಫಾರಿಜೆವಾ ಚಿಂತಪ್ ಉಸ್ಕಾಜೆ ತರ್
ಸಮಾಜೆಂತ್ ವೀಕ್ ಒಂಪಿಜೆಚ್‌ಗಾ
ಬಾಳ್ಶಿಂ ತಾಚಿಂ ಜಿಯೆಜೆ ತರ್
ಚಾಮಾದೊರಾಕೀ ಫೊಂಡ್ ಖೊಂಡಿಜೆಚ್‌ಗಾ
ಜೆಜು ರಾಯಾಕೀ ಆಲ್ತಾರಿವಿಣೆ ಮಾನ್ ಲಾಬ್ಲೊ
ತೆವಾಂಯ್ ಫಾರಿಜೆವ್ ಮೊಸ್ರಾನ್ ಶಿಜ್‌ಲ್ಲೆ
ಜುದಾಸಾನ್ ವಿಕ್ರೀತ್ ಕೆಲ್ಲ್ಯಾನ್‌ಚ್ ಕೊಣ್ಣಾ
ತಾಚೆಂಯ್ ನಾಂವ್ ಸಂಸ್ರಾರ್ ಗಾಜ್‌ಲ್ಲೆಂ
ವಿಕ್ರಿತ್ ಕರ್‍ಪಿ ವಿಕ್ರಿತ್ ಕರಿತ್ ರಾವುಂ
ರಾಬ್ಬಿ ತೊ ಕೆನ್ನಾಂಯ್ ರಾಬ್ಬಿ
ಆಪ್ಲಿಂ ಆಜಾಪಾಂ ತೊ ಕರೀತ್ ಉರುಂ
-ರೊನಿ ಕ್ರಾಸ್ತಾ, ಕೆಲರಾಯ್
संपादकीय:
सोडवणदाराक आलतार नाका
कविता कुळारांत 'आलतार आनी चामादोर' कविता आमी परगट केल्ली. ताका जाप म्हळळेबरी ही कविता हांगासर उदेल्या. एकेकल्याचो विचार आगळो वेगळो आस्ता. तें वेगळेपण उचारूंक हरयेकल्याक अधिकार आस्ता. एक विचार आनयेका विचाराक सृषटी करता तर, थंयसर सर्जनशीळता धाराळ व्हाळता म्हण जालें.
म्हणताना एका विशयाचेर धा जण अस्वस्थ जाताना, नवें चिंतप जल्माक येता. तशेंच घडलां हांगासर. ही कविता 'आलतार आनी चामादोर' कवितेच्या पंचांगा वयल्यान वाचुंयेता. या तिचेविणेंय वाचूंक समजूंक जाता.
-मेल्विन रोड्रीगस
कविता:
मानाचें पिशें
मातिये पुतळेनगा आलतारींत बसचें
उपरांत कोणें तरी ताका भजचें
सोडवणदारानगा आलतारिविण्या मानान भरचें
संसारान ताका फवजे बराबर उकलन धरचें
तेवां फुलल्ल्या धलल्ल्या मनां मधल्यान
फारिजेवान मात्र मोसरान शिजचें
मेल्ल्या मड्याक घाण पडुंकनजो तर
पुरूंक चामादोर जायिचगा
फारिजेवा चिंतप उसकाजे तर
समाजेंत वीक ओंपिजेचगा
बाळशीं ताचीं जियेजे तर
चामादोराकी फोंड खोंडिजेचगा
जेजू रायाकी आलतारिविणे मान लाबलो
तेवांय फारिजेव मोसरान शिजल्ले
जुदासान विकरीत केल्ल्यानच कोण्णा
ताचेंय नांव संसरार गाजल्लें
विक्रित करपी विक्रित करीत रावूं
राबबी तो केन्नांय राबबी
आपलीं आजापां तो करीत उरूं
-रोनी क्रास्ता, केलराय