ಕವಿತಾ:
ಜಲ್ಮ್
ಧನ್ಯಾಚೆ ಮಾಳ್ಯೆಥಾವ್ನ್ ಮಾರುತ್ ಆಮ್ಗೆರ್ ವೊಳ್ಳಾ
ಫಾಂತ್ಯಾವೆಳಿಂ ಬಂಜರ್ ಬೊಂಗ್ಯಾರ್ ಹಾಸೊ ಪಿಸೊ ಖೆಳ್ಳಾ
ಕೊಂಬ್ಯಾನೊ ಕೆಂಕಾರಾ, ಶಂಖ್ಯಾಂನೊ ಫಾಂಕಾರಾ
ಹಿಸೋಬ್ ನಾಸ್ಲ್ಯಾ ಹಿಸ್ಬಾಕ್ ಆತಾಂ ಹಿಸೋಬ್ ನವೊ ಮೆಳ್ಳಾ.
ಮಾನಾಧನಾ ಝೆಲೆ ಖಂಯ್‍ಗಾ, ಶಿಪಾಯ್ ತುಜೆ ಭಾಲೆ
ವಿಣ್ಗಿ ಉಗ್ತಿ ಕೂಡ್ ತಿ ಕಶಿ? ಧನ್ಯಾಂಗೆಲೆ ಶೆಲೆ
ನಾಂತ್‌ವೆ ಮೆಸ್ತ್ರೀಗೆರ್ ತುಜ್ಯಾ - ರಿತೊ ಆಯ್ಲಾಯ್ ಬಾಳಾ ಮ್ಹಜ್ಯಾ
ಮಾನಾಧನಾ ಝೆಲೆ ಥಂಯ್? ಶಿಪಾಯಾಂ ಖಾತೀರ್ ಭಾಲೆ ಥಂಯ್?
ನಿರಾಸ್ ನಾಕಾ ಉಗಡ್ ದೊಳೆ ಸೈಂಭಾ ಸೊಭಾಯ್ ಪಳೆ
ರಾನಾಂ, ವನಾಂ, ಖಡ್ಪಾಂ, ಝಿರ್‍ಯೊ, ವಿಶೆವ್ ದಿಂವ್ಚೆ ಮಳೆ
ಹಾಂಗಾ ಹಾಶ್ಯಾಕ್ ಫುಲಾಂ ಫುಲ್ತಿತ್! ರಡ್ಣ್ಯಾಂಕ್ ಮಳ್ಬಾಂ ರಡ್ಟೀತ್
ಶ್ರೀ ತಾಚಿ ಜಾಲ್ಯಾ ತುಜಿ ಮೆಳುನ್ ಉಬೆ - ಉಜ್ಯಾಗುಳೆ
-ಚಾ. ಫ್ರಾ. ದೆಕೊಸ್ತಾ
कविता:
जल्म
धन्याचे माळ्येथावन मारूत आमगेर वोळ्ळा
फांत्यावेळीं बंजर बोंग्यार हासो पिसो खेळ्ळा
कोंब्यानो केंकारा, शंख्यांनो फांकारा
हिसोब नासल्या हिसबाक आतां हिसोब नवो मेळ्ळा.
मानाधना झेले खंयगा, शिपाय तुजे भाले
विणगी उगती कूड ती कशी? धन्यांगेले शेले
नांतवे मेस्त्रीगेर तुज्या - रितो आयलाय बाळा म्हज्या
मानाधना झेले थंय? शिपायां खातीर भाले थंय?
निरास नाका उगड दोळे सैंभा सोभाय पळे
रानां, वनां, खडपां, झिऱ्यो, विशेव दिंवचे मळे
हांगा हाश्याक फुलां फुल्तीत! रडण्यांक मळबां रडटीत
श्री ताची जाल्या तुजी मेळून उबे - उज्यागुळे
-चा. फ्रा. देकोस्ता