ಸಂಪಾದಕೀಯ್:
ಲೋಕ್ ಉಜ್ಯಾಚೆಂ ಆಗ್ಟೆಂ ಜಾತಾನಾ, ಸೊಂಪವ್ಣಿ ಸಲೀಸ್ ಜಾತಾ
ಲೋಕ್‍ಶಾಯೆಂತ್ ಲೋಕ್‍ಚ್ ರಾಜಾ. ಲೊಕಾಂನಿ ಆಡಳ್ತ್ಯಾಕ್ ವಿಂಚುನ್ ಕಾಡ್ಚೆಂ ಆನಿ ತೆಂ ಆಡಳ್ತೆಂ ತಾಂಕಾಂ ಖುಶಿ ದೀನಾತ್ಲ್ಯಾ ವೆಳಾ, ದುಸ್ರ್ಯಾಂಕ್ ಗಾದಿಯೆ ವಯ್ರ್ ಚಡೊಂವ್ಚೆಂ. ಪುಣ್ ಗಾದಿಯೆರ್ ಚಡಲ್ಲೆ ವ್ಯಕ್ತಿ ಜಾಯ್ತೆಪಾವ್ಟಿಂ ಹೆಂ ವಿಸ್ರುನ್ ಸೊಡ್ತಾತ್ ಆನಿ ತಾಂಚ್ಯಾ ಅಧಿಕಾರಾಚ್ಯಾ ಆಮಾಲಾಚೆರ್ ಲೊಕಾಚಿಂಚ್ ಕಿತ್ಯಾಕ್ ಆಖ್ಖ್ಯಾ ದೇಶಾಚಿಂ ಖೆಳ್ಕುಳಾಂ ಕರ‍್ತಾತ್.
ಹ್ಯಾ ಖೆಳ್ಕುಳಾಂಚ್ಯೆ ಮಿತಿಚಿ ಮೇರ್ ಕೊಸಾಳ್ತಾನಾ ಹ್ಯೆ ಕವಿತೆಂತ್ಲ್ಯಾ ನಾಯಕಾಪರಿಂ ಲೋಕ್ ಉಚಾಂಬಳ್ ಜಾತಾ. ಆಂಗಾರ್ ಉಜೊ ವ್ಹಾವೊವ್ನ್, ವಾಯ್ಟ್ ಆಸಲ್ಲೆಂ ಹುಲ್ಪಾಂವ್ಕ್ ಭಾಯ್ರ್ ಸರ‍್ತಾ.
ಎಚ್ಚೆಮ್ ಪೆರ‍್ನಾಳಾನ್ ಆಪ್ಲೆ ಕವಿತೆದ್ವಾರಿಂ, ಎಕಾ ಕವಿಚಿ ಖರಿ ಜಬಾಬ್ದಾರಿ ಜಾಹೀರ್ ಕೆಲ್ಯಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಶಾಸನಾಚಿ ಕಳೊವ್ಣಿ
ಹೊ ದೇಶ್ ತುಜೊ ಎಕ್ಲ್ಯಾಚೊ ನ್ಹಯ್
ಹೊ ದೇಶ್ ಆಮ್ಚೊ ಸಕ್ಡಾಂಚೊ
ತುಂ ಫಕತ್ ಸೆವಕ್, ಆಮಿ ನೆಮ್ಲಲೊ.
ತುಂವೆಂ ಸಾಂಗ್ತಾನಾ ತಾಳಿಯೊ ಪೆಟುನ್ ನಾಚುಂಕ್
ತುಜೆ ಚಾಕರ್ ನ್ಹಯ್ ಆಮಿ ಹ್ಯಾ ದೇಶಾಚೆ ವಾರೆಸ್ದಾರ್
ಪಾವ್ಟಿಂಚ್ಯಾಕ್ ವಾಚುನ್ ಪಳೆ ಸಂವಿಧಾನ್.
ತುಜ್ಯಾನ್ ಜಾಯ್ನಾ ತರ್ ಸಾಂಗುನ್ ಸೊಡ್ ಆಸಾತ್ ಸೆವಕ್
ವಾರೆಸ್ದಾರ್ ಆಮಿ, ಹೊ ದೇಶ್ ಆಮ್ಚೊ ಸಕ್ಡಾಂಚೊ
ಸಾಟ್ಲಿಪೊಟ್ಲಿ ಬಾಂದುನ್ ಪಯ್ಲೆಂ ಜಾಗೊ ಖಾಲಿ ಕರ್.
ಹೊ ದೇಶ್ ಆಮ್ಚೊ - ಆಮಿಚ್ ಹಾಂಗಾಚೆ ತ್ರ್ಯಂಬಕೇಶ್ವರ್
ಉಜ್ಯಾಲಾಗಿಂ ಖೆಳ್ಚೆಂ ಕರಿನಾಕಾ ಪ್ರೇತನ್
ಅಂಧಕಾಕ್ ಸೊಂಪಯ್ಜೆ ಕಶೆಂ ಜಾಣಾಂವ್.
-ಎಚ್ಚೆಮ್ ಪೆರ‍್ನಾಳ್
संपादकीय:
लोक उज्याचें आगटें जाताना, सोंपवणी सलीस जाता
लोकशायेंत लोकच राजा. लोकांनी आडळत्याक विंचून काडचें आनी तें आडळतें तांकां खुशी दीनातल्या वेळा, दूसऱ्यांक गादिये वयर चडोंवचें. पूण गादियेर चडल्ले व्यक्ती जायतेपावटीं हें विस्रून सोडतात आनी तांच्या अधिकाराच्या आमालाचेर लोकाचिंच कित्याक आख्ख्या देशाचीं खेळकुळां कर्तात.
ह्या खेळकुळांच्ये मितिची मेर कोसाळताना ह्ये कवितेंतल्या नायकापरीं लोक उचांबळ जाता. आंगार उजो व्हावोवन, वायट आसल्लें हुल्पावंक भायर सर्ता.
एच्चेम पेर्नाळान आपले कवितेद्वारीं, एका कविची खरी जबाब्दारी जाहीर केल्या.
-मेलवीन रोड्रिगस
शासनाची कळोवणी
हो देश तुजो एकल्याचो न्हय
हो देश आमचो सकडांचो
तूं फकत सेवक, आमी नेम्ललो.
तुंवें सांग्ताना ताळियो पेटून नाचुंक
तुजे चाकर न्हय आमी ह्या देशाचे वारेसदार
पावटिंच्याक वाचून पळे संविधान.
तुज्यान जायना तर सांगून सोड आसात सेवक
वारेसदार आमी, हो देश आमचो सकडांचो
साटलिपोटली बांदून पयलें जागो खाली कर.
हो देश आमचो - आमीच हांगाचे तऱ्यंबकेश्वर
उज्यालागीं खेळचें करिनाका प्रेतन
अंधकाक सोंपयजे कशें जाणांव.
-एच्चेम पेर्नाळ