ಕವಿತಾ:
ವಾರ್‍ಯಾ ಸುಳಿ
ಧರಣ್ ಕಾಂಪ್ಲಿ ಫುಟೊನ್ ರಾವ್ಲಿ
ದರ್ಯಾ ಉದಾಕ್ ಧರ್ತೆರ್ ಪಡ್ಲೆಂ
ಮಾಡ್-ರೂಕ್ ಹಾಲೊನ್ ರಾವ್ಲೆ
ಸಭಾರ್ ಅಸ್ಕತ್ ಫಾಂಟೆ ಝಡ್ಲೆ
ರಸ್ತ್ಯಾ ಮಧೆಂಚ್ ಆಡ್ ರಾವ್ಲೆ
ವೊಣದಿ ಕೊಸ್ಳೊನ್ ಪಾಕಿಂ ಪಡ್ಲಿಂ
ಲೊಕಾ ಜಮೊ ಧಾಂವೊಂಕ್ ಲಾಗ್ಲೊ
ಘೆಂವ್ಕ್ ಆಸ್ರೊ ಉದಕ್ ನಾಸ್ಲೊ
ಭುರ್ಗಿಂ ಬಾಳಾಂ ಕಂಗಾಲ್ ಜಾಲಿಂ
ಥೊಡಿಂ ಪ್ರಾಯೆಸ್ತಾಂ ಮರಣ್ ಪಾವ್ಲಿಂ
ರಸ್ತ್ಯಾರ್ ಉದಕ್, ಖಂದ್ಕಾಂತ್ ಉದಕ್
ಸಗ್ಳಿ ಹಳ್ಳಿಚ್ ಏಕ್ ದರ್ಯೊ ಜಾಲಿ
ದುಸ್ಮಾನಾಂನಿ ಹೆಂ ನಂಯ್ ಕೆಲೆಂ
ದೆವಾನ್ ದಿಲ್ಲೆಂ ನಿಸ್ಸಂತಾನ್ ಜಾಲೆಂ
ವಾರ್‍ಯಾ ಸುಳಿ!
ದುಬ್ಳಿಂ ಗ್ರೇಸ್ತಾಂ, ಬರಿಂ ಖೊಟಿಂ
ಗಣ್ಣೆಂಚ್ ನಾಸ್ತಾಂ ಸುಳ್ಯೆಕ್ ಬಲಿ
ಆಸ್ತ್ ಬದಿಕ್ ಉದ್ಕಾಂತ್ ವ್ಹಾಳೊನ್
ಸಗ್ಳಿ ಪರ್ಜಾಚ್ ಜಾಲಿ ಖಾಲಿ
ಸುಣ್ಯಾಂ ಪ್ರಾಣಿವಿಶಿಂ ಸಾಂಗೊಂ ಕಿತೆಂ
ಉದ್ಕಾ ವ್ಹಾಳಾಂತ್ ಉಪ್ಯೆವ್ನ್ ಗೆಲಿಂ
ಸುಕ್ಣಿಂ ಸಾವ್ಜಾಂ ಫಿಕಿರ್ ನಾಸ್ತಾಂ
ಉಬೊನ್ ಉಬೊನ್ ಬಚಾವ್ ಜಾಲಿಂ!
-ಆಸ್ಟಿನ್ ಪ್ರಭು, ಚಿಕಾಗೊ