ಸಂಪಾದಕೀಯ್:
ದೆವಾನ್ ಉಲಯಿಲ್ಲೆಂ ಭುರ್ಗ್ಯಾಂಕ್ ವೆಗಿಂ ಆಯ್ಕತಾ
ದಿವ್ಯಾ ವಿವೇಕ್ ನಾಯ್ಕ್ ಮಡ್ಗಾಂವ್ಚ್ಯಾ ಮಹಿಳಾ ಆನಿ ನೂತನ್ ಇಂಗ್ಲಿಷ್ ಶಾಳೆಂತ್ ಸಾತ್ವೆ ಯತ್ತೆಂತ್ ಶಿಕ್ಚೆಂ ವಿದ್ಯಾರ್ಥಿಣ್. ಭುರ್ಗ್ಯಾಚೆಂ ಚಿಂತಪ್ ಹಾಂಗಾಸರ್ ಆಸಾ. ದೆವಾಲಾಗಿಂ ಮಾಗ್ತಾನಾ, ತೊ ತಾಚ್ಯಾ ಕಾನಾಂತ್ ಉಲಯ್ತಾ. ಭೋವ್ ಸುಕ್ಶೀಮ್ ಚಿಂತ್ಪಾಚ್ಯಾಂಕ್ ಮಾತ್ರ್ ಅಸಲೆಂ ಉಲೊವ್ಣೆಂ ಆಯ್ಕತಾ. ತ್ಯಾ ಪಯ್ಕಿ ದಿವ್ಯಾ ಎಕ್ಲೆಂ.
ಹ್ಯಾ ತಾಚೆ ಕವಿತೆಕ್ ದುಸ್ರೆಂ ಇನಾಮ್ ಫಾವೊ ಜಾಲಾಂ. ಲ್ಹಾನ್ ಭುರ್ಗ್ಯಾಂಚೆ ಮತಿಂತ್ ಕಿತ್ಲೆ ನಿತಳ್ ವಿಚಾರ್ ಆಸ್ತಾತ್ ಮ್ಹಳ್ಳ್ಯಾಕ್ ಹಿ ಕವಿತಾ ಗೊವಾಯ್.
ಕವಿತಾ:
-ಮೆಲ್ವಿನ್ ರೊಡ್ರಿಗಸ್
ದೆವಾನ್ ಮ್ಹಾಕಾ ಸಾಂಗ್ಲೆಂ...
ಏಕ್ ದೀಸ್ ದೆವಾನ್ ಮ್ಹಾಕಾ ಕಾನಾಂತ್ ಸಾಂಗ್ಲೆಂ..
ತುಂ ಸುರ್ಯಾವರಿ ಜಾ
ಬೆಗೀನ್ ಊಠ್, ಬೆಗೀನ್ ನೀದ್
ತುಂ ಚಂದ್ರಾವರಿ ಶೀತಳ್ ಜಾ
ಕಾಳ್ಖಾಂತೂಯ್ ಉಜ್ವಾಡ್ ದೀ
ತುಂ ಸವ್ಣೆಂ ಜಾ
ಖಾ, ಪೀ, ಗಾಯ್ತ್ ಉಡೂನ್ ವಚ್
ತುಂ ಫುಲ್ ಜಾ, ಪುಣ್
ಮುಳಾಕ್ ವಿಸ್ರುಂ ನಾಕಾ
ತುಜೊ ಪರ್ಮಳ್ ದುಸ್ರ್ಯಾಂಕ್ ದೀ
ತುಂ ನ್ಹಂಯೆವರಿ ವ್ಹಾಂವತ್ ರಾವ್
ಸದಾಂಚ್ ಫುಡೆ ವಚತ್ ರಾವ್
ತುಂ ಶಿಕತ್ ರಾವ್, ಶಿಕತ್ ರಾವ್
ಜೀಣ್ ತುಜಿ ಘಡಯ್ತ್ ರಾವ್
ತುಂ ಮನ್ಶಾವರಿ ಜಾ
ಪುಣ್ ಮನೀಸ್‌ಪಣ್ ಸೊಡುಂ ನಾಕಾ
ಬರ್ಯಾ ಮನ್ಶಾಚೊ ಸಾಂಗಾತ್ ಸೊಡುಂ ನಾಕಾ
ವಾಯ್ಟ್ ಮನ್ಶಾಕ್ ಸಂಕಟಾನ್ ಸೊಡುನ್ ವಚುಂ ನಾಕಾ
ಅಶೆಂ ಮ್ಹಾಕಾ ದೆವಾನ್ ಸಾಂಗ್ಲೆಂ...
ಅಶೆಂ ಮ್ಹಾಕಾ ದೆವಾನ್ ಕಾನಾಂತ್ ಸಾಂಗ್ಲೆಂ..
-ದಿವ್ಯಾ ವಿವೇಕ್ ನಾಯ್ಕ್