ಸಂಪಾದಕೀಯ್:
ಉಜ್ಯಾಂತ್ಲ್ಯಾ ಫುಲಾಚ್ಯಾಕಯ್, ಫುಲಾಚೊ ಉಜೊ ಸೊಸುನ್ ವ್ಹರ‍್ಯೆತ್ ಕೊಣ್ಣಾ
ಹಾತ್ ಲಾಸ್ತಾನಾ ಕಾಳ್ಜಾಂತ್, ಮನಾಂತ್ ದಗಾಬಗಾ ಕರುನ್ ಉಜೊ ಉಟ್ತಾ. ಬಾಯ್ಲ್ ಆಸ್ಚಿ ಫಕತ್ ಹಾತ್ ಲಾಸಂವ್ಕ್? ಘರ‍್ಚಿ ಸುಂರ್ಗಾರಾಯ್, ಪೊಟಾಚಿ ಸರ್ಬರಾಯ್ ಧರುನ್ ಭುರ್ಗ್ಯಾಂಚಿ ವಿರಾರಾಯ್ ಸಗ್ಳಿ ತಿಣೆಂಚ್ ಮಾತೆಂ ಮಾರ್ತಾನಾ, ಮಾತೆಂ ಸಾಂಬಾಳುಂಕ್ ಘೊವಾಚೆ ಪಯ್ಶೆ ಪಿಟೊ ಜಾತಾತಚ್. ತೆದಳಾ ಘೊವಾಚ್ಯಾ ಬಾಯ್ಲ್ ತಿ ಮೊಗಾಚಿ ಫುಲ್ ಜಾಲ್ಯಾರಯ್ ಉಜೊ ವೊಂಕ್ಚಿ ದಿಸ್ತಾ. ಹಾಂತುಂ ನವಲ್ ನಾ. ಚೂಕಯ್ ನಾ. ಕಿತ್ಯಾಕ್ ಪಯ್ಶೆ ಎಕ್ಟಾಂಯ್ ಕರ‍್ಚ್ಯಾ ಪಾಟ್ಲ್ಯಾನ್ ಆಸ್ಚ್ಯಾ ಕಷ್ಟಾಂಚ್ಯಾ ಉಜ್ಯಾಂತ್ ತೊ ಸದಾಂ ಭಾಜುನ್ ಆಸ್ತಾ.
ಮಾಗೀರ್ ಕೊಣಾಚಿ ಚೂಕ್ ಮ್ಹಣ್ಚಿ? ಕೊಣಾಯ್ಚಿ ನ್ಹಯ್. ಜಿವಿತಚ್ ಅಶೆಂ.
ಬಾಯ್ಲೆಕ್, ಘೊವಾಚ್ಯಾ ಕುಟ್ಮಾನ್ ಸ್ವೀಕಾರ‍್ಲಾಂ ಜಾಲ್ಲ್ಯಾನ್ ತಿ ಜೀನ್ ದುವಾಲ್ ಜಾಂವ್ಕ್ ಸಾಧ್ಯ್ ನಾ. ಆನಿ ಹ್ಯಾ ಘೊವಾಕ್ ಉಜ್ಯಾಂತ್ಲ್ಯಾ ಫುಲಾಚಿ ಗರ್ಜಯ್ ನಾ. ತಾಕಾ ಫುಲಾಚೊ ಉಜೋಚ್ ಪಾವ್ತಾ. ತ್ಯಾ ದೆಕುನ್ ತವಳ್ ತವಳ್ ಹಾತ್ ಲಾಸೊವ್ನ್ ಘೆಜಾಯಿಚ್ ಪಡ್ತಾ.
उज्यांतल्या फुलाच्याकय, फुलाचो उजो सोसुन व्हर्येत कोण्णा
हात लास्ताना काळजांत, मनांत दगाबगा करुन उजो उटता. बायल आसची फकत हात लासंवक? घर्ची सुंर्गाराय, पोटाची सरबराय धरुन भुर्ग्यांची विराराय सगळी तिणेंच मातें मार्ताना, मातें सांबाळुंक घोवाचे पयशे पिटो जातातच. तेदळा घोवाच्या बायल ती मोगाची फुल जाल्यारय उजो वोंकची दिस्ता. हांतूं नवल ना. चूकय ना. कित्याक पयशे एकटांय कर्च्या पाटल्यान आसच्या कषटांच्या उज्यांत तो सदां भाजुन आस्ता.
मागीर कोणाची चूक म्हणची? कोणायची न्हय. जिवितच अशें.
बायलेक, घोवाच्या कुटमान स्वीकार्लां जाल्ल्यान ती जीन दुवाल जांवक साध्य ना. आनी ह्या घोवाक उज्यांतल्या फुलाची गर्जय ना. ताका फुलाचो उजोच पावता. त्या देकुन तवळ तवळ हात लासोवन घेजायिच पडता.
-ಮೆಲ್ವಿನ್ ರೊಡ್ರಿಗಸ್ / मेलविन रोडरिगस
ಕವಿತಾ / कविता::
ಫುಲಾಂ ಪಾವ್ಸ್
ಫುಲಾಂ ಪಾವ್ಸ್
ದಿವಳೆ ಪರಬೇಚೊ
ತುಮಿ ಜಾಣಾ
ಫುಲಾಂಚೊ ನ್ಹಯ್
ಉಜ್ಯಾಚೊ
ಉಜ್ಯಾ ಫುಲಾಂಚೊ
ಜೆನ್ನಾ ತೆರಾವೆಳಾರ್
ಕಸ್ತೂರ್ ಮೊಗ್ರ್ಯಾಕ್
ಮೋಲ್ ಚಡತಾ
ತೆನ್ನಾ ಮ್ಹಜೀ ಆವಯ್ ಮ್ಹಣತಾ
ಹಾತ್ ಲಾಸತಾ!
ಬೊದಿಲೇರಾಚಿ ಪ್ರೇಮಿಕಾ
ಜೀನ್ ದುವಾಲ್
ಆನಿ
ಮ್ಹಜೀ ಬಾಯಲ್:
ಏಕಲಿ ಉಜ್ಯಾಂತೂಲಿ ಫೂಲ್
ದುಸರಿ
ಫುಲಾಚೊ ಉಜೊ
फुलां पावस
फुलां पावस
दिवळे परबेचो
तुमी जाणा
फुलांचो न्हय
उज्याचो
उज्या फुलांचो
जेन्ना तेरावेळार
कस्तूर मोग्र्याक
मोल चडता
तेन्ना म्हजी आवय म्हणता
हात लासता!
बोदिलेराची प्रेमिका
जीन दुवाल
आनी
म्हजी बायल:
एकली उज्यांतूली फूल
दुसरी
फुलाचो उजो
-ಗುರು ಬಾಳಿಗಾ / गुरू बाळिगा