ಸಂಪಾದಕೀಯ್:
ಮಂಗ್ಳುರಾಕ್ ದೆಖ್ತಾನಾ ಆಮೇರಿಕಾಂತ್ಲೆಂ ಕಾಳೀಜ್ ಲೆಗುನ್ ಕಳ್ವಳ್ತಾ
ಆಪ್ಲ್ಯಾ ಮಂಗ್ಳುರಾಂತ್ ಅಸಲಿಂ ಅನಾಉತಾಂ ಘಡ್ತಾನಾ ಆಮೇರಿಕಾಂತ್ಲ್ಯಾ ಮನ್ಶಾಂಚೆಂ ಸಯ್ತ್ ರಗತ್ ಸಳ್ಸಳ್ತಾ. ಮಾಗೀರ್ ಹ್ಯಾ ರಗ್ತಾಕ್ ಜಿಬೊ ಫುಟ್ತಾನಾ ತೆಂ ಉಲೊಂವ್ಕ್ ಲಾಗ್ತಾ. ಹ್ಯಾ ಉಲೊವ್ಣ್ಯಾಂತ್ ಕವಿತಾ ಸೈತ್ ಉಬಿ ಜಾತಾ. ಜಶೆಂ ಘಡ್ಲಾಂ ಹೆ ಕವಿತೆಂತ್. ಸಳ್ಸಳ್ಯಾ ರಗ್ತಾಚಿ ಹಿ ಕವಿತಾ ಮ್ಹಣೊನ್ ಧರ್ ಧರ್ ದಿಸ್ತಾ.
ಆಸ್ಟಿನ್ ಪ್ರಭು ಆಮೇರಿಕಾಂತ್ಲ್ಯಾ ಚಿಕಾಗೊಂತ್ ರಾವ್ತಾ. ಆನಿ ಇಂಟರ್‌ನೆಟ್ ಮಾರಿಫಾತ್ ಮಂಗ್ಳುರಾಕ್ ಬೋವ್ ಲಾಗಿಂಚ್ ಮ್ಹಳ್ಳೆಬರಿ ತೊ ರಾವ್ತಾ. ಮಂಗ್ಳುರ‍್ಚ್ಯಾ ಘಡಿತಾಂಚೆರ್ ಥಳೀಯ್ ಮನೀಸ್ ಕಿತ್ಲೊ ಸ್ಪಂದನ್ ಜಾತಾ, ತಿತ್ಲೋಚ್ ಯಾ ತಾಚ್ಯಾಕಯ್ ಚಡಿತ್ ರಿತಿನ್ ತೊ ಜಾತಾ ಕೊಣ್ಣಾ. ಆಯ್ಚಿಂ ವೀಡಿಯೊ ಪಿಂತುರಾಂ ಹಾಕಾ ಚಡಿತ್ ಕಾರಣ್ ಕೊಣ್ಣಾ.
ತುಮೀಂಯ್ ಭಾರತಾ ಭಿತರ‍್ಲ್ಯಾಂನಿ ಆನಿ ಭಾಯ್ಲ್ಯಾಂನಿ ತುಮ್ಚ್ಯೊ ಕವಿತಾ ಧಾಡ್ಚ್ಯೊ
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಹಿಂದು ತಾಲಿಬಾನ್?
ತಾಲಿಬಾನ್, ತಾಲಿಬಾನ್, ಹಿಂದು ತಾಲಿಬಾನ್
ಧರ್ಮಾ ನಾಂವಿಂ ಕರ್ಮಾಂ ಕರ‍್ಚೆಂ ಹಿಂದು ತಾಲಿಬಾನ್
ಮುಸ್ಲಿಮ್ ತಾಲಿಬಾನ್ ಜಾಲ್ಯಾರ್
ಸ್ತ್ರೀಯಾಂ ಕುಡಿರ್ ಹಾತ್ ಘಾಲ್ನಾಂತ್
ಕೆಪ್ಪ್ಯಾಕ್ ಮಾರುನ್ ಆಂಗಾರ್ ಹಾತ್ ಘಾಲುನ್
ರಭಸಾನ್ ತಾಂಚಿಂ ಸ್ಥನಾಂ ಧರ‍್ನಾಂತ್
ತಾಲಿಬಾನ್, ತಾಲಿಬಾನ್ ಹೆಂ ಹಿಂದು ತಾಲಿಬಾನ್
ಖಾಸ್ಗಿ ಘರಾಂತ್ ಬಲತ್ಕಾರಾನ್ ರಿಗೊನ್
ಜನ್ಮಾ ದಿವಸ್ ಆಚರಣ್ ನಿಸ್ಸಂತಾನ್ ಕರುನ್
ಸ್ತ್ರೀಯಾಂಚೆರ್ ಹತ್ಯಾಚಾರ್ ಕೆಲ್ಲೆಂ ಹಿಂದು ತಾಲಿಬಾನ್
ಇಗರ್ಜೊ ಲುಟುನ್ ಮಾರ್-ಫಾರ್ ಕರುನ್
ಹ್ಯಾ ಪಿಶ್ಯಾಂಕ್ ಹಿ ಸವಯ್ ಜಾಲಿ
ಸರ್ಕಾರಾನ್ ಹಾಂಚೆರ್ ಕ್ರಮ್ ಘೆಂವ್ಕ್ ನಾಸ್ತಾಂ
ಕಿತೇಂಯ್ ಕರ‍್ಯಾಂ ತಿ ಆಶಾ ಆಯ್ಲಿ
ಮಾಧ್ಯಮಾಂಕ್ ಆಪವ್ನ್ ಆವಾಜ್ ಕೆಲೊ
ತ್ಯಾಚ್ ಆವಾಜಾಂತ್ ಹಾಂಚೊ ಧ್ಯೇಯ್ ಮೆಲೊ
ತಾಲಿಬಾನ್, ತಾಲಿಬಾನ್ ಹೆಂ ಹಿಂದು ತಾಲಿಬಾನ್
ಅಕ್ಕಲ್ ನಾಸ್ತಾಂ ಕೃತ್ಯಾಂ ಕರ‍್ಚೆಂ ರಾಕ್ಕೊಸ್ ತಾಲಿಬಾನ್
ತೊಂಡಾಂ ಪಳೆತಾನಾ ಪುರ್ತಿ ಘಾಣ್ ಯೆತಾ
ತ್ಯಾ ಹಳ್ಶಿಕ್ ಖಾಂವ್ಚ್ಯಾ ದುಕ್ರಾಪರಿಂ
ಆಸಾತ್ ಹಾಂಕಾಂ ಆವಯ್-ಭಯ್ಣ್-ಪತಿಣ್?
ಹ್ಯಾ ಸರ್ವಾಂಕ್ ಪಿಸಾಂಟಾಂನಿ ಪುಸ್ಲಿ ಕರಿ
ಹಾಂಕಾಂ ದುಕ್ರಾಂ ಸಂಗಿಂ ಬಾಂದುನ್ ಘಾಲ್ಯಾಂ
ಆನಿ ತೆಂಚ್ ಹಳ್ಶಿಕ್ ಖಾಂವ್ಕೀ ದಿವ್ಯಾಂ
ತಾಲಿಬಾನ್, ತಾಲಿಬಾನ್ ಪಿಸಾಂಟ್ ತಾಲಿಬಾನ್
ಚಲಿಯಾಂ ಬಲತ್ಕಾರ್ ಕೆಲ್ಲೆಂ ಹಿಂದು ತಾಲಿಬಾನ್
ಹಿಂದು ಧರ್ಮಾಚೆಂ ನಿಸ್ಸಂತಾನ್ ಜಾಲೆಂ
ಯೆಡ್ಡಿಕ್ ಪರ್ಯಾಂತ್ ಉಚಾಂಬಳ್ ಕೆಲೆಂ
ಜಾಗರಣ್ ವೇದಿಕೆಚ್ಯಾ ನಾಂವಾನ್ ಹಾಂಣಿ
ಬಿಜೆಪಿ ಮುಸ್ಕಾರಾಕ್ ಶೆಣ್ ಮಾರ್ಲೆಂ
ಪಡೀಲ್ಚೊ ಕೊರ್ಪೊರೇಟರ್ ಪರ್ಯಾಂತ್
ಮಾತ್ಶೆಂ ಘೊಟುನ್ ಭಿತರ್ ರಿಗ್ಲೊ
ಜಾಗರಣ್ ವೇದಿಕೆಚೊ ತೊ ಸಾಂದೊ ತರೀ
ಮಂತ್ರಿ ರವಿಕ್ ತೊ ಪರ್ಕೊಚ್ ಜಾಲೊ
ಹಾಂಚಿ ಪಿಸ್ತುಲ್ ಕಾತ್ರುನ್ ಸುಣ್ಯಾಕ್ ದಿಲ್ಯಾರೀ
ಸುಣೆಂ ಪರ್ಯಾಂತ್ ತಿ ಹುಂಗ್ಚೆಂ ನಾ
ತಾಲಿಬಾನ್, ತಾಲಿಬಾನ್ ಹಿಂದು ತಾಲಿಬಾನ್
ಕಾಮಾಂ ನಾಸ್ಚೆ, ಮತಿರ್ ನಾಸ್ಚೆ ಪಿರ್ಕಿ ತಾಲಿಬಾನ್
ವೇಶ್ಯಾಂ ಸಂಗಿಂ ಮರ್ಜಿ ಮಾರ್ತಾತ್
ಪಿಯೆವ್ನ್-ಘೊಟುನ್ ರೇವ್ ಪಾರ್ಟಿ ಕರ್ತಾತ್
ಹೆರಾಂಚೆರ್ ಮಾತ್ರ್ ಹೆ ಬೋಟ್ ಜೊಕ್ತಾತ್
ಆಪುಣ್ ಮಾತ್ರ್ ತೆಂ ಹಳ್ಶಿಕ್‌ಚ್ ಖಾತಾತ್
ಹಾಂಕಾಂ ಅಧಿಕಾರ್ ದೀಂವ್ಕ್ ಆಮ್ಚೆ
ಬೆರ್ಚಪ್ಪಾ ಪೋಲೀಸ್ ತಯಾರ್ ಆಸಾತ್
ಕೊಬಾ ತೋಟಾಂತ್ ಸೊಭ್ಚೆ ಹೆ ಖಾಕಿ
ಹಿಂದು ತಾಲಿಬಾನಾಂಕ್‌ಚ್ ಆಧಾರ್ ದಿತಾತ್
ತಾಲಿಬಾನ್, ತಾಲಿಬಾನ್ ಹಿಂದು ತಾಲಿಬಾನ್
ಅಖ್ಖೊ ಸಂಸಾರ್ ಫಾಣವ್ನ್ ಘಾಲ್ಲೆ ಹಿಂದು ತಾಲಿಬಾನ್
-ಆಸ್ಟಿನ್ ಪ್ರಭು, ಚಿಕಾಗೊ