ಸಂಪಾದಕೀಯ್ / संपादकीय:
ಮೊಬಾಯ್ಲಾಂಚಿ ಸಕತ್, ಮುಯಾಂಚೆ ಸಕ್ತೆ ಮುಕಾರ್ ಕಾಂಯಿಂಚ್ ನ್ಹಯ್!
ಕವಿತಾ ಬರೊಂವ್ಚ್ಯಾಂಕ್ ಸುಕ್ಷೀಮ್ ದೀಷ್ಟ್ ಆಸಜಾಯ್ ಪಡ್ತಾ. ದೀಷ್ಟ್ ಸಾರ್ಕಿ ಆಸ್ಲ್ಯಾರ್ ಕವಿತಾ ಬರಿ ಜಾತಾ. ಮಾಗೀರ್ ಉತ್ರಾಂಚಿ ವಳೆರಿ ಸೈತ್ ಗಿರೇಸ್ತ್ ಕರ‍್ಚೆಂ ಕಾಮ್ ಆಸಾ, ತಿ ಗಿರೇಸ್ತಕಾಯ್ ಜೊಡುಂಕ್ ವರ್ಸಾಂ ಲಾಗ್ತಿತ್.
ಆಸ್ಟಿನ್ ಡಿಕುನ್ಹಾ ಲ್ಹಾನ್ ಚಲೊ. ಪಾಂಚ್ವೆಂತ್ ಶಿಕ್ತಾ. ಹಾಚ್ಯಾ ಆದಿಂ ತಾಚಿ ಕವಿತಾ ಆಮಿ ಪರ್ಗಟ್ ಕೆಲ್ಯಾ ಹಾಂಗಾಸರ್. ತಾಕಾ, ಕವಿತಾ ಬರೊಂವ್ಚ್ಯಾಕ್ ಗರ್ಜೆಚಿ ಸುಕ್ಷೀಮ್ ದೀಷ್ಟ್ ಜರೂರ್ ಆಸಾ. ವರ್ಸಾಂ ಗೆಲ್ಲ್ಯಾಬರಿ ಕೊಂಕಣಿಚಿ ಗಿರೇಸ್ತ್ ಉತ್ರಾಂವಳ್ ತೊ ಜಿಕೊನ್ ಧರ‍್ತಲೊ ಮ್ಹಳ್ಳೊ ಭರ್ವಸೊ ಮ್ಹಾಕಾ ಆಸಾ.
ಮುಯಾಂಚೊ ಸಂಪರ್ಕ್ ಮೊಬಾಯ್ಲಾಚೆ ಮೆಸೆಜಿ ವರ್ನಿಂ ಚಡಿತ್ ಸರಾಯೆನ್ ಚಲ್ತಾ ಮ್ಹಣೊನ್ ತೊ ಸಾಂಗ್ತಾನಾ, ಆಮ್ಕಾಂ ಮೊಬಾಯ್ಲಾಂಚೆ ಗುಲಾಮ್ ಜಾಲ್ಲ್ಯಾಂಕ್, ಹೆ ಸೃಷ್ಟೆಚಿಂ ರಚ್ನಾಂ ಜಾವ್ನಾಸ್ಚ್ಯಾ; ಮೊಬಾಯ್ಲಾಂಚೆ ಸಕ್ತೆಕ್ ಸೈತ್ ಸಲ್ವೊಂವ್ಚಿ ಸಕತ್ ಆಸ್ಚ್ಯಾ ಮುಯಾಂ ಥಂಯ್ ದೀಷ್ಟ್ ಚರೊಂವ್ಕ್, ತಾಂಚೆವಿಶಿಂ ಚಡಿತ್ ಜಾಣಾಂ ಜಾಂವ್ಚ್ಯಾಕ್ ವೊವ್ಳಿಗ್ ದಿತಾ.
मोबायलांची सकत
, मुयांचे सक्ते मुकार कांयिंच न्हय!
कविता बरोवंच्यांक सुक्षीम दीषट आसजाय पडता
. दीषट सार्की आसल्यार कविता बरी जाता. मागीर उत्रांची वळेरी सैत गिरेसत कर्चें काम आसा, ती गिरेसतकाय जोडुंक वर्सां लाग्तीत.
आसटीन डिकुन्हा ल्हान चलो
. पांचवेंत शिक्ता. हाच्या आदीं ताची कविता आमी पर्गट केल्या हांगासर. ताका, कविता बरोवंच्याक गर्जेची सुक्षीम दीषट जरूर आसा. वर्सां गेल्ल्याबरी कोंकणिची गिरेसत उत्रांवळ तो जिकोन धर्तलो म्हळ्ळो भर्वसो म्हाका आसा.
मुयांचो संपर्क मोबायलाचे मेसेजी वर्नीं चडीत सरायेन चल्ता म्हणोन तो सांग्ताना
, आमकां मोबायलांचे गुलाम जाल्ल्यांक, हे सृषटेचीं रचनां जावनासच्या; मोबायलांचे सक्तेक सैत सलवोवंची सकत आसच्या मुयां थंय दीषट चरोवंक, तांचेविशीं चडीत जाणां जावंच्याक वोवळीग दिता.
-
मेलवीन रोड्रिगस / ಮೆಲ್ವಿನ್ ರೊಡ್ರಿಗಸ್
ಕವಿತಾ / कविता:
ಧಾಕ್ಟುಲ್ಯೊ ಮುಯೊ ಕಾಳ್ಯಾ ಸಮವಸ್ತ್ರಾರ್
ಧಾಕ್ಟುಲ್ಯೊ ಮುಯೊ ಕಾಳ್ಯಾ ಸಮವಸ್ತ್ರಾರ್
ಕುಜ್ನಾಚೆ ವೊಣ್ತಿರ್ ವೆತಾತ್ ಪುರ್ಶಾಂವಾರ್‍
ಎಕೆಚ್ ಸಾಲಿಂತ್ ತಾಂಚೆಂ ಪಯ್ಣ್
ಆಮ್ಚ್ಯಾ ಇಸ್ಕೊಲಾಚ್ಯಾ ಭುರ್ಗ್ಯಾಂಪರಿಂ, ವ್ಹರ್ತೆ ಶಿಸ್ತೆನ್
ಥೊಡ್ಯೊಚ್ ಮುಯೊ ಜಾಲ್ಯೊ ಹಜಾರ್, ವಾಡ್ಲಿ ಸಾಲ್
ಎಕಾ ಪಾಟ್ಲ್ಯಾನ್ ಏಕ್, ಬದ್ಲೊಂಕ್ ನಾ ತಾಂಚಿ ಚಾಲ್
ಸಂಪರ್ಕ್ ತಾಂಚೊ ಮೊಬಾಯ್ಲಾಚ್ಯಾ ಮೆಸೆಜಿವರ್ನಿಂ ತುರ್ತಾನ್
ಪರ್ಮಳಾನ್ ದಿತಾತ್ ಖಬರ್, ಪಾವ್ತಾ ಎಕಾಚ್ ಖಿಣಾನ್
ಅತ್ರೆಗ್ ಮ್ಹಾಕಾ ಜಾಣಾಂ ಜಾಂವ್ಕ್ ಪುರ್ಶಾಂವ್ ಸಂಪ್ತಾ ಖಂಯ್ಸರ್?
ಅಳೆ! ಸಾಕ್ರಿ ಡಬ್ಬೊ ಉಗ್ತೊಚ್ ದವರ್ಲಾ ಪಳೆ ಥಂಯ್ಸರ್.
ಪುರ್ಶಾಂವ್ ತೆವ್ಶಿನ್ ಪಾಂವ್ಚ್ಯಾ ಪಯ್ಲೆಂ ಧಾಂಪ್ಲೆಂ ಹಾಂವೆಂ ಧಾಂಪ್ಣೆಂ
ಕಾಲುಬುಲ್ಯೊ ಮುಯೊ, ಘುಸ್ಪಡೊನ್ ಶಿಂಪಡ್ಲ್ಯೊ ಕುಜ್ನಾಂತ್ ಹೆಣೆಂ ತೆಣೆಂ
ಹಾಯ್ ದೆವಾ! ಕಿತೆಂ ಹಾಂವೆಂ ಕೆಲೆಂ?
ಚಿಂತಿನಾಕಾತ್ ತುಮಿ… ಹಾಂವೆಂ ಮುಯಾಂಕ್ ಫಸಯ್ಲೆಂ ಮ್ಹಣ್
ಹಾಂವ್ ಜಾಣಾಂ..ತ್ಯಾ ಸಾಕ್ರಿ ರಾಜಾಂತ್ ಯೆತಲೆಂ ಪಾಪ್ ಮುಯಾಂಕ್ ಮರಣ್
ಧಾಂಪಿನಾತ್ಲ್ಯಾರ್ ಧಾಂಪ್ಣೆಂ ಹಾಂವ್‍ಚ್ ಜಾತಾಂ ನ್ಹಯ್‌ಗಿ ಮರ್ಣಾಕ್ ಕಾರಣ್?
- ಆಸ್ಟಿನ್ ಡಿ’ಕುನ್ಹಾ, ಇಜಯ್
धाकटुल्यो मुयो काळ्या समवसत्रार
धाकटुल्यो मुयो काळ्या समवसत्रार
कुजनाचे वोणतीर वेतात पुर्शांवार
एकेच सालिंत तांचें पयण
आमच्या इसकोलाच्या भुर्ग्यांपरीं, व्हर्ते शिसतेन
थोड्योच मुयो जाल्यो हजार, वाडली साल
एका पाटल्यान एक, बदलोंक ना तांची चाल
संपर्क तांचो मोबायलाच्या मेसेजिवर्नीं तुर्तान
पर्मळान दितात खबर, पावता एकाच खिणान
अत्रेग म्हाका जाणां जावंक पुर्शावं संप्ता खंयसर?
अळे! साक्री डब्बो उग्तोच दवरला पळे थंयसर.
पुर्शावं तेवशीन पावंच्या पयलें धांपलें हांवें धांपणें
कालुबुल्यो मुयो, घुस्पडोन शिंपडल्यो कुजनांत हेणें तेणें
हाय देवा! कितें हांवें केलें?
चिंतिनाकात तुमी… हांवें मुयांक फसयलें म्हण
हावं जाणां..त्या साक्री राजांत येतलें पाप मुयांक मरण
धांपिनातल्यार धांपणें हावंच जातां न्हयगी मर्णाक कारण?
- आसटीन डी’कुन्हा, इजय