ಸಂಪಾದಕೀಯ್:
ಪರಿಸರಾಚೆ ರಾಕಣೆ ಖಾತೀರ್ ಖಂತ್ ಉಚಾರ್‍ಚಿ ಕವಿತಾ
ದೆವಾಧಿನ್ ಚಾಲ್ಸ್ ಆನಿ ತೆರೆಜಾ ರೊಡ್ರಿಗಸ್ ಸ್ಮಾರಕ್ ಸಾತ್ವ್ಯಾ ಅಖಿಲ್ ಭಾರತ್ ಕೊಂಕ್ಣಿ ಕವಿತಾ ಲಿಖಾಣ್ ಸರ್ತೆಂತ್ ಪಯ್ಲೆಂ ಇನಾಮ್ ಮೆಳಲ್ಲಿ ಕವಿತಾ ಹಿ. ಗೊಂಯಾಂತ್ ಮಾಯ್ನಿಂಗಾಕ್ ಲಾಗೊನ್ ಖೂಬ್ ಬೊವಾಳ್ ಆಜೂನ್ ಚಾಲು ಆಸಾ.
ವೈಭವಿನ್ ಹೊ ಸಮಸ್ಸೊ ಆಪ್ಲೆ ಕವಿತೆಂತ್ ಬೋವ್ ಸಂಪೆಪಣಿಂ ಸಾಂಗ್ಚೆಂ ಪ್ರೇತನ್ ಕೆಲಾಂ. ಆಪ್ಲ್ಯಾ ಭೊಂವಾರಾಂತ್ಲ್ಯಾ ಸಮಸ್ಯಾಂ ಥಂಯ್ ಆಪ್ಲೆಂ ಮನ್ ಉಗ್ತೆಂ ದವರಲ್ಲ್ಯಾಕ್ ಹೆಂ ದೋನ್ ಹಜಾರ್ ರುಪಿಯಾಂಚೆಂ ಇನಾಮ್ ವೈಭವಿಕ್ ಫಾವೊ ಜಾತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಉಬೊ ರಾವಿಲ್ಲೊ ತೊ ದೊಂಗರ್
ಸೈಮಾಚ್ಯಾ ಸೊಬಿತ್ ರಂಗ್-ರುಪಾನ್ ನಟಿಲ್ಲೊ
ಝಾಡಾ - ಪೆಡಾಂನಿ ಪಾಚ್ವೆಚಾರ್ ಫುಲಿಲ್ಲೊ
ಜಾನ್ವಾರಾಂಚೊ ಜೀವ್, ಲೊಕಾಂಚೊ ಆಧಾರ್ -
ಉಬೊ ರಾವಿಲ್ಲೊ ತೊ ದೊಂಗರ್.
ಥಂಡೆ ದಿಸಾಂನಿ ಧವ್ವೊ ಫುಲ್ಲ್ ಫುಲ್ತಾ
ಗರ್ಮೆ ದಿಸಾಂನಿ ತಾಂಬ್ಡೊಚ್ ರಂಗ್ತಾ
ಸವ್ಣ್ಯಾ ಗಿತಾಂನಿ ಭುಲಿಲ್ಲೊ -
ಉಬೊ ರಾವಿಲ್ಲೊ ತೊ ದೊಂಗರ್.
ದೆವಾಚಿ ಮನ್‌ಭುಲೊವ್ಣಿ ಕಲಾಕೃತಿ
ಸುಂದರ್ ಅಶಿ ಏಕ್ ಆಕೃತಿ
ಸೈಮಾಚಿ ಭೋವ್ ರೂಪ್ ಪಳೊವ್ನ್
ಉಬೊ ರಾವಿಲ್ಲೊ ತೊ ದೊಂಗರ್.
ಆಯ್ಜ್ ಲೋಕ್ ತಾಕಾ ಖರ್‍ವಡ್ಟಾ
ಝಾಡಾ-ಪೆಡಾಂ ತಾಚಿಂ ಮರ್‍ತಾ
ಮಾತಿ ತಾಚಿ ವ್ಹಾವ್ತಾ
ಲೋಕ್ ತಾಚೆರ್ ಮಾಯ್ನಿಂಗ್ ಕರ್‍ತಾ.
ಅಸಲ್ಯಾ ಹ್ಯಾ ಮನ್ಶಾಚ್ಯಾ ವಿದ್ವಾಟಾನ್
ಕಸೊ ಆನೀಕ್ ತೊ ಜಗ್ತಲೊ
ಕಸೊ ಜಿವಿತ್ ಉರ್‍ತಲೊ
ತೊ ಉಬೊ ರಾವಿಲ್ಲೊ ದೊಂಗರ್.
-ವೈಭವಿ ಭಾಲಚಂದ್ರ ಗವಸ್, ಆಟ್ವಿ ಕ್ಲಾಸ್
ಅವರ್ ಲೇಡಿ ಒಫ್ ಲೂರ್ಡ್ಸ್ ಹೈಸ್ಕೂಲ್, ವಾಲ್ಪೊಯ್, ಸತ್ತಾರಿ, ಗೊಂಯ್
संपादकीय:
परिसराचे राकणे खातीर खंत उचारची कविता
देवाधीन चाल्स आनी तेरेजा रोड्रीगस स्मारक सातव्या अखील भारत कोंकणी कविता लिखाण सर्तेंत पयलें इनाम मेळल्ली कविता ही. गोंयांत मायनिंगाक लागोन खूब बोवाळ आजून चालू आसा.
वैभवीन हो समस्सो आपले कवितेंत बोव संपेपणीं सांगचें प्रेतन केलां. आपल्या भोंवारांतल्या समस्यां थंय आपलें मन उगतें दवरल्ल्याक हें दोन हजार रुपियांचें इनाम वैभवीक फावो जाता.
-मेल्विन रोड्रीगस
कविता:
उबो राविल्लो तो दोंगर
सैमाच्या सोबीत रंग-रुपान नटिल्लो
झाडा - पेडांनी पाचवेचार फुलिल्लो
जानवारांचो जीव, लोकांचो आधार -
उबो राविल्लो तो दोंगर.
थंडे दिसांनी धव्वो फुल्ल फुलता
गर्मे दिसांनी तांबडोच रंगता
सवण्या गितांनी भुलिल्लो -
उबो राविल्लो तो दोंगर.
देवाची मनभुलोवणी कलाकृती
सुंदर अशी एक आकृती
सैमाची भोव रूप पळोवन
उबो राविल्लो तो दोंगर.
आयज लोक ताका खरवडटा
झाडा-पेडां ताचीं मरता
माती ताची व्हावता
लोक ताचेर मायनिंग करता.
असल्या ह्या मनशाच्या विद्वाटान
कसो आनीक तो जगतलो
कसो जिवीत उरतलो
तो उबो राविल्लो दोंगर.
-वैभवी भालचंद्र गवस, आटवी क्लास
अवर लेडी ओफ लूर्ड्स हैसकूल, वाल्पोय, सत्तारी, गोंय