ಸಂಪಾದಕೀಯ್:
ಚಿಂತ್ಚೆಂ ಏಕ್, ಜಾಂವ್ಚೆಂ ಆನ್ಯೇಕ್
ಹಾಂಗಾಸರ್ ಪ್ರವೀಣ್ ತಾವ್ರೊಚ್ಯೊ ದೋನ್ ಸಾನ್ ಕವಿತಾ ದಿಲ್ಯಾತ್. ಮನೀಸ್ ಏಕ್ ಉಲಯ್ತಾನಾ, ಖಿಣಾನ್ ಬೊಲ್ತೆಂಚ್ ಘಡ್ತಾ. ಹಿಂ ಬೊಲ್ತಿಂ ಘಡಿತಾಂ ಮನ್ಶಾಚ್ಯಾ ಉಲೊವ್ಣ್ಯಾಚೊ ಅರ್ಥ್ ಅನರ್ಥ್ ಕರ್ನ್ ಸೊಡ್ತಾತ್. ಜಾಯ್ತೆ ಪಾವ್ಟಿಂ ಆಮಿ ಏಕ್ ಚಿಂತಾಂವ್, ತರೀ ನಿಜಾಯೆಂತ್ ವೆಗ್ಳೆಂಚ್ ಘಡ್ತಾ.
ಹಾಕಾ ದಾಕ್ಲೊ ಮ್ಹಳ್ಳೆಬರಿ ಹಾಂಗಾಚ್ಯೊ ಕವಿತಾ ಉದೆಲ್ಯಾತ್.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ದೋನ್ ಕವಿತಾ
ಘಾಟಾಚೊ ಪಾದ್ರಿ ಮಿಸಾರ್ ಪ್ರಸಂಗ್ ದೀವ್ನ್ ಮ್ಹಣಾಲೊ:
ಆತ್ಮ್ಯಾಕ್ ಮರಣ್ ನಾ..
ನಾ ಆತ್ಮ್ಯಾಕ್ ಮರಣ್ !
ದುಸ್ರ್ಯಾ ದಿಸಾ ಸಕಾಳಿಂ ದಿಸಾಳ್ಯಾರ್ ವಾಚ್ಲಿಂ ಹಾಂವೆಂ
ಆತ್ಮ್‌ಹತ್ಯಾಚಿಂ ಸಾತ್ ಪ್ರಕರಣಾಂ...
ಮ್ಹಜ್ಯಾ ದಿವ್ಳಾಂತ್ ಶೂದ್ರಾಂಕ್ ನಾ ಪ್ರವೇಶ್
ದೆವಾಚೊ ಸಾಂಗಾತ್ ಬಾಮುಣಾಂಕ್ ಮಾತ್ರ್
ಮ್ಹಾರಾಂಚಿ ಸಾವ್ಳಿ ಸಯ್ತ್ ಪಡುಂಕ್ ನಜೊ
ರಾತ್ಚ್ಯಾ ರಾತಿಂ ಮ್ಹಜ್ಯಾ ದೆವಾಚಿ ಚೊರಿ ಜಾಲಿ.
ಪೋಲಿಸಾಂ ಸಾಂಗಾತಾ ಪೊಲಿಸ್ ಸುಣೀಂಯ್ ಭಿತರ್ ಸರ್‍ಲಿಂ.
-ಪ್ರವೀಣ್ ತಾವ್ರೊ, ಕುಲ್ಶೇಕರ್
संपादकीय:
चिंतचें एक, जांवचें आन्येक
हांगासर प्रवीण तावरोच्यो दोन सान कविता दिल्यात. मनीस एक उलयताना, खिणान बोल्तेंच घडता. हीं बोल्तीं घडितां मनशाच्या उलोवण्याचो अर्थ अनर्थ कर्न सोडतात. जायते पावटीं आमी एक चिंतांव, तरी निजायेंत वेगळेंच घडता.
हाका दाकलो म्हळ्ळेबरी हांगाच्यो कविता उदेल्यात.
-मेल्विन रोड्रिगस
कविता:
दोन कविता:
घाटाचो पाद्री मिसार प्रसंग दीवन म्हणालो:
आत्म्याक मरण ना..
ना आत्म्याक मरण !
दूसऱ्या दिसा सकाळीं दिसाळ्यार वाचलीं हांवें
आत्महत्याचीं सात प्रकरणां...
म्हज्या दिवळांत शूद्रांक ना प्रवेश
देवाचो सांगात बामुणांक मात्र
म्हारांची सावळी सयत पडुंक नजो
रातच्या रातीं म्हज्या देवाची चोरी जाली.
पोलिसां सांगाता पोलीस सुणींय भितर सरलीं.
-प्रवीण तावरो, कुलशेकर