ಸಂಪಾದಕೀಯ್:
ಆಯ್ಚ್ಯಾ ಕಾಳಾಚ್ಯೊ ಭಿರಾಂಕೂಳ್ ಭಾಲಿಯೊ
ಧವೆಂ ನಿಸ್ಕಳ್ಪಣಾಚಿ ಕುರು. ಧವೆಂ ಮ್ಹೆಳೆಂ ಜಾಂವ್ಕ್ ವೇಳ್ ಲಾಗನಾ. ಹಾಂಗಾಸರ್ ಹೆ ಕವಿತೆಂತ್ ಧವೆಂ ಏಕ್ ನೀಬ್ ಮಾತ್ರ್. ಧವೆಂ ಹಾಂಗಾಸರ್ ಚಲಿಯೆಚಿ ಪ್ರತಿಮಾ ಜಾವ್ನ್ ಆಯ್ಲ್ಯಾ. ತಿ ಪ್ರತಿಮಾ ದೊಳ್ಯಾಂ ಸಾಮ್ಖಾರ್ ದವರ್‍ನ್ ಹಿ ಸಗ್ಳಿ ಕವಿತಾ ವಾಚಿಜಾಯ್.
ಪುಣ್ ಧವೆಂ ಕಾಪಡ್ ಆಂಗ್ಣಾಂತ್ ಕಿತ್ಯಾಕ್ ಸುಕತ್ ಘಾಲಾಂ? ವಾರ್‍ಯಾಕ್ ಉಬ್ತಾ ಮ್ಹಣೊನ್ ಕಳಿತ್ ಆಸೊನ್‌ಯ್? ಭಾಯ್ರ್ ಸುಕತ್ ಘಾಲಿನಾಸ್ತಾಂ ಬಾಲ್ಕನಿರ್ ಘಾಲ್ಯಾರೀ, ವಾರ್‍ಯಾಕ್ ಉಬೊನ್ ವಚನಾ ಮ್ಹಳ್ಳಿ ಗ್ಯಾರಂಟಿ ಕಸಲಿ? ಹಿಂ ಆನಿ ಜಾಯ್ತಿಂ ಸವಾಲಾಂ ಸೊಡಂವ್ಚೆಂ ಪ್ರೇತನ್ ಕರ್‍ತಾನಾ ಹಿ ಕವಿತಾ ಎಕೆ ಚಲಿಯೆಚ್ಯಾ ಜಿವಿತಾಚೆಂ ದರ್ಶನ್ ಘಡೊವ್ನ್ ದಿತಾ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಧವೆಂ ಕಾಪಡ್
ಆಂಗ್ಣಾಂತ್ ಸುಕತ್ ಘಾಲ್ಲೆಂ ಧವೆಂ ಕಾಪಡ್
ಧವೆಂ ದೆಕುನ್;
ದೊಳ್ಯಾಂಕ್ ಚಡ್ ಮೊಗಾಚೆಂ
ಆಲ್ತಾರಿಕ್ ಚಡಯ್ಲೆಂ ತರ್
ದೆವಾಕ್ ಬೋವ್ ಮಾನಾಚೆಂ
ಮೆಲ್ಲೆಲ್ಯಾಂಕ್ ರೆವ್ಡಾಯ್ಲೆಂ ತರ್
ಸರ್ಗಾಕ್ ವ್ಹರುನ್ ಪಾವಂವ್ಚೆಂ
ಪಾತ್ಕಾಂ ಪುಸ್ಚೆಂ, ಶಾಂತಿ ಸಾರ್‍ಚೆಂ
ರುಪ್ಡೆಂ ನಿಸ್ಕಳ್ಪಣಾಚೆಂ
ಧವೆಂ ತೆಂ ರಂಗಯ್ಲೆಂ ತರ್
ನ್ಹೆಸಣ್ ಫೆಸ್ತಾಂ-ಪರ್ಬೆಂಚೆಂ
ಆಂಗ್ಣಾಂತ್ ಸುಕತ್ ಘಾಲ್ಲೆಂ ತೆಂ
ದೊಳ್ಯಾಂಕ್ ಚಡ್ ಮೊಗಾಚೆಂ!
ಪುಣ್
ಮೊಸ್ರಿ ವಾರ್‍ಯಾಕ್ ತಡ್ವಲೆಂನಾ!
ಸುಕೊಂವ್ಕ್ ಘಾಲ್ಲೆಂ ಸುಕ್ಚೆ ಆದಿಂಚ್
ಉಬೊವ್ನ್ ಸೊಡ್ಲೆಂ ಎಕಾಚ್ ವಾರ್‍ಯಾನ್
ಚೊವ್ಗಾಂ ಜಣಾಂಕ್ ಸಾಂಗಾತಾ ಘೆವ್ನ್
ಪಿಂಜುನ್ ಘಾಲೆಂ ಬಲಾತ್ಕಾರಾನ್
ಫಾತರ್ ತಿಚೆರ್ ಘಶ್ಟಲೆ
ಕಾಂಟೆ ತೊಪುನ್ ಹಾಸ್ತಾಲೆ
ಕೇದ್ ಖತಾಂ ಕರ್‍ತಾಲೆಂ
ವಾರೆಂ ವೆಗಾನ್ ವ್ಹಾಳ್ತಾಲೆಂ
ಮಾಂಕ್ಡಾ-ನೀದ್ ನಿದೊನ್ ಯೆಜ್ಮಾನ್
ಧಾಂವೊನ್ ಆಯ್ಲಿ ವಾರ್‍ಯಾ ವೆಗಾನ್
ವಿದ್ರೂಪ್ ಕಾಪ್ಡಾಕ್ ದೆಕೊನ್ ತಿಣೆಂ,
ದುರ್‍ಸೊಂಚೆಂ ತರೀ ಕೊಣಾಕ್?
ಹಾತಾಕ್ ಮೆಳ್ನಾತ್ಲ್ಯಾ ವಾರ್‍ಯಾಕ್?
ಅವಿನಾಶಿ ಫಾತ್ರಾಂಕ್?
ವಾ
ಕೆದಿಂಚ್ ಖಾಲಿ ಜಾಯ್ನಾತ್ಲ್ಯಾ ಕೇದಾಕ್?
-ಜೈಸನ್ ಸಿಕ್ವೇರಾ
संपादकीय:
आयच्या काळाच्यो भिरांकूळ भालियो
धवें निस्कळपणाची कुरू. धवें म्हेळें जावंक वेळ लागना. हांगासर हे कवितेंत धवें एक नीब मात्र. धवें हांगासर चलियेची प्रतिमा जावन आयल्या. ती प्रतिमा दोळ्यां सामखार ही सगळी कविता वाचिजाय.
पुण धवें कापड आंगणांत कित्याक सुकत घालां? उबता म्हणोन कळीत आसोनय? भायर सुकत घालिनास्तां बालकनिर घाल्यारी, उबोन वचना म्हळ्ळी ग्यारंटी कसली? हीं आनी जायतीं सवालां सोडंवचें प्रेतन ही कविता एके चलियेच्या जिविताचें दर्शन घडोवन दिता.
-मेल्विन रोड्रीगस
कविता:
धवें कापड
आंगणांत सुकत घाल्लें धवें कापड
धवें देकून;
दोळ्यांक चड मोगाचें
आलतारीक चडयलें तर
देवाक बोव मानाचें
मेल्लेल्यांक रेवडायलें तर
सर्गाक व्हरून पावंवचें
पातकां पुसचें, शांती
रुपडें निस्कळपणाचें
धवें तें रंगयलें तर
न्हेसण फेस्तां-परबेंचें
आंगणांत सुकत घाल्लें तें
दोळ्यांक चड
पुण
मोसरी
सुकोवंक घाल्लें सुकचे आदींच
उबोवन सोडलें एकाच
चोवगां जणांक सांगाता घेवन
पिंजून घालें बलातकारान
फातर तिचेर घश्टले
कांटे तोपून हास्ताले
केद खतां
वारें वेगान व्हाळतालें
मांकडा-नीद निदोन येजमान
धांवोन आयली वेगान
विद्रूप कापडाक देकोन तिणें,
तरी कोणाक?
हाताक मेळनातल्या ?
अविनाशी फात्रांक?
वा
केदींच खाली जायनातल्या केदाक?
-जैसन सिकवेरा