ಸಂಪಾದಕೀಯ್:
ಕೊಣ್ ಧಾಂವ್ಡಾಯ್ತಲೊ ಹ್ಯಾ ಕಾವ್ಳ್ಯಾಕ್?
ಪಿಲಾಕ್ ಕಾವ್ಳೊ ವ್ಹಾವಯ್ತಾನಾ ಭುರ್ಗ್ಯಾಕ್ ಭಿರಾಂತ್ ದಿಸ್ತಾ. ಆಪ್ಣಾಕಯ್ ವ್ಹರಿತ್ ಮ್ಹಣ್ ಚಿಂತುನ್ ಬಾಪಾಯ್ಚೆ ಪಾಯ್ ಆರಾವ್ನ್ ಧರ್‍ತಾ - ಧೈರಾಕ್. ವಾಗ್ ಯೇಂವ್ಕ್ ಪುರೊ, ಸುಣೆಂ ವಾಗೂಟ್, ಸರೊಪ್, ಗೀದ್ ಯೇಂವ್ಕ್ ಪುರೊ - ಸರ್‍ವಾಂ ಥಾವ್ನ್ ರಾಕೊನ್ ವ್ಹರುಂಕ್ ಬಾಪಾಯ್ಕ್ ಮಾತ್ರ್ ಸಾಧ್ಯ್ ಮ್ಹಣೊನ್ ಭುರ್ಗೆಂ ಚಿಂತಾ.
ದುಸ್ರೆ ಘಡಿಯೆ ಖಬ್ರೆ ಪತ್ರಾವಯ್ಲೆಂ ಘಡಿತ್ ವಾಚ್ತಾನಾ ತೆಂ ಆವಯ್ಕ್ ಸೊಧುನ್ ಧಾಂವ್ತಾ. ಮನ್ಶಾಜಾತಿ ಥಾವ್ನಚ್ ಅಸಲೆಂ ಆಕ್ರಮಣ್ ಜಾಂವ್ಕ್ ಸಾಧ್ಯ್ ಆಸಾ, ಆನಿ ತಾಂತ್ಲ್ಯಾ ತಾಂತುಂ ದಾದ್ಲ್ಯಾಥಾವ್ನ್ ಮ್ಹಣೊನ್ ತಾಚೆ ಮತಿಕ್ ಗಮ್ತಾನಾ, ಬಾಪಯ್ ಬರೊ ಜಾಲ್ಯಾರಿ ತಾಚೆವಯ್ಲೆಂ ಧೈರ್ ತಾಚೆಂ ಕುಸ್ಕತಾ.
ಆಮಿ ಖಂಯ್ ವಚುನ್ ಆಸಾಂವ್ ಆಜ್?
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ಘಡಿತ್
ಆಯ್ತಾರಾಚ್ಯಾ ದೊನ್ಪಾರಾಂ
ದೊಳ್ಯಾಂ ಮುಖಾರಚ್
ಕಾವ್ಳ್ಯಾನ್ ಪಿಲಾಕ್ ವ್ಹಾವಯ್ತಾನಾ
ಕೊಂಬಿ ಹಾಕ್‍ಬೋಬ್ ಮಾರ್‍ತಾನಾ
ಮೊನೆಂ ಜಾವ್ನ್ ಪಳೆಂವ್ಕ್ ಪಡ್ಲೆಂ ಹೆಂ...
ಕಾವ್ಳೊ ಉಬಲ್ಲೆ ಕುಶಿಕ್
ಮನ್ ಘಾಯೆಲ್ಲೆಂ,
ಕಶೆಂ ವಿಸ್ರೊಂ ಹೆಂ ಘಡಿತ್?
ಬಾಪಾಯ್ಚ್ಯಾ ಪಾಯಾಂಕ್ ದುಖಿನ್
ವೆಡ್ಕೊಳ್ ಮಾರ್‍ನ್ ಚಿಡ್ಕೊನ್‍ಚ್ ರಾವ್ಲೆಂ
ಟೀಚರಿನ್ ನಿವ್ಸ್ ಹೆಡ್‌ಲಾಯ್ನ್ಸ್
ಬರವ್ನ್ ಹಾಡುಂಕ್ ಸಾಂಗಲ್ಲೆಂ
ಖಬ್ರೆ ಪತ್ರ್ ವಾಚ್ತಾಂ ಚೆಡುಂ...
ತಿಚ್ ಹೆಡ್‍ಲಾಯ್ನ್, ಅತ್ತ್ಯಾಚಾರ್
ಸ ವರ್ಸಾಂಚ್ಯಾ ಭುರ್ಗ್ಯಾಚೆರ್
ಘಾಯೆಲ್ಲೆಂ ಮನ್ ಆತಾಂ
ಕಾವ್ಳ್ಯಾಕ್ ಸಂಪೂರ್ಣ್ ವಿಸ್ರಲ್ಲೆಂ
ಲಾಗಿಂಚ್ ಆಸ್ಲ್ಯಾರೀ, ಬಾಪಾಯ್ಚೆ ಪಾಂಯ್
ಆವಯ್ಕ್ ಸೊಧಿಲಾಗ್ಲೆಂ ಹುಸ್ಕೆವ್ನ್ ಹುಸ್ಕೆವ್ನ್!!
-ಆಂಡ್ರ್ಯೂ ಎಲ್. ಡಿಕುನ್ಹಾ
संपादकीय:
कोण धांवडायतलो ह्या कावळ्याक?
पिलाक कावळो व्हावयताना भुरग्याक भिरांत दिसता. आपणाकय व्हरीत म्हण चिंतून बापायचे पाय आरावन धरता - धैराक. वाग येवंक पुरो, सुणें वागूट, सरोप, गीद येंवक पुरो - तांचे थावन राकोन व्हरूंक बापायक मात्र साध्य म्हणोन भुरगें चिंता.
दुसरे घडये खबरे पतरावयलें घडीत वाचताना तें आवयक सोधून धांवता. मनशाजाती थावनच असलें आक्रमण जावंक साध्य आसा, आनी तांतल्या तांतूं दादल्याथावन म्हणोन ताचे मतीक गमताना, बापय बरो जाल्यारी ताचेवयलें धैर ताचें कुसकता.
आमी खंय वचून आसांव आज?
-मेल्विन् रोड्रीगस
कविता:
घडीत
आयताराच्या दोनपारां
दोळ्यां मुखारच
कावळ्यान पिलाक व्हावयताना
कोंबी हाक बोब मारताना
मोनें जावन पळेवंक पडलें हें...
कावळो उबल्ले कुशीक
मन घायेल्लें,
कशें विसरों हें घडीत?
बापायच्या पायांक दुखीन
वेडकोळ मारन चिडकोनच रावलें
टीचरीन निव्स् हेडलायन्स
बरवन हाडूंक सांगल्लें
खबरे पत्र वाचतां चेडूं...
तीच, अत्त्याचार
स वर्सांच्या भुरग्याचेर
घायेल्लें मन आतां
कावळ्याक संपूर्ण विसराल्लें.
लागींच आसल्यारी, बापायचे पांय
आवयक सोधिलागलें हुसकेवन हुसकेवन
-आंडऱ्यू एल. डिकुन्हा