ಕವಿತಾ:
ಧೋನಿಚಿ ದೋಣ್
-ವಿಶೆಂತ್ ಫೆರ್ನಾಂದ್, ಆಬುಧಾಬಿ
ಆಯ್ಲೊರೆ ಆಯ್ಲೊ ತಿಸ್ರೊ ಖೆಳ್
ಕಾಂಡ್ತಾ ಕಾಳ್ಜಾಂತ್ ಫೊವ್
ಕೊಣ್ ಜಿಕತ್, ಕೊಣ್ ಹಾರತ್
ಸಾಂಗ್ತಲೊ ವೊರಾಂಚೊ ವೇಳ್
ಶಿರಿಲಂಕಾನ್ ಸುರು ಕೆಲೆಂ
ಬ್ಯಾಟ್ ಉಬಾರುಂಕ್ ಪಯ್ಲೆಂ
ಸಂಗಕ್ಕಾರಾಚ್ಯಾ ಸುರ್‍ಸುರ್‌ಭಾಣಾಂಕ್
ಭಾರತ್ ಭಿರಾಂತೆನ್ ಪೊವ್ಲೆಂ
ಜಯವರ್ಧನೆ ಕಾಂಯ್ ನಾತ್ಲೊ ಪಾಟಿಂ
ಪಾವಂವ್ಕ್ ಜೈತಾ ಕುಶಿಂ
ತಿನ್ಶಾಂ ಲಾಗಿಂ ಸ್ಕೋರ್ ಕಾಡ್ತಾಂ
ಲಂಕಾಚಿ ಹಾಸ್ಲಿ ಮಿಶಿ
ಭಾರತ್ ದೆಂವ್ತಾ ಖೆಳೊಂಕ್ ಉಪ್ರಾಂತ್
ಕಾವ್ಜೆಣೆಚೊ ಫುಟ್ಲೊ ಕಸ್ಕಸೊ
ತೆಂಡುಲ್ಕರ್ ಖಿಣಾನ್ ಶೆವ್ಟತಾನಾ
ಲೋಕ್ ಜಾಲೊ ನಿರಾಶೆಚೊ
ತಿತ್ಲ್ಯಾರ್ ಆಯ್ಲೊ ಆಮ್ಚೊ ಧೋನಿ
ಮೈದಾನಾರ್ ಪಾವ್ಸ್ ಜ್ಯೋರ್
ತಾಂಡ್ಲಿ ತಾಣೆ ಬುಡ್ಚಿ ದೋಣ್
ಮಾರುನ್ ಸಿಕ್ಸರ್, ಫೋರ್
(ಒಕ್ಟೋಬರ್ 31, 2005 ತಾರಿಕೆರ್ ಭಾರತಾಚ್ಯಾ ಜೈಪುರಾಂತ್ ಭಾರತ್ - ಶ್ರೀಲಂಕಾ ಮಧೆಂ ಚಲ್‌ಲ್ಲ್ಯಾ ಎಕಾ ದಿಸಾಚ್ಯಾ ಕ್ರಿಕೆಟ್ ಖೆಳಾ ಸಂದರ್ಭಿಂ ಲಿಖ್‌ಲ್ಲಿ ಕವಿತಾ)