ಸಂಪಾದಕೀಯ್:
ಮಾತ್ಯೆಚೊ ಮನೀಸ್ ಮಾತ್ಯೆಕ್ ಪಾವ್ತಾನಾ ಜಿವಿತಾಕ್ ಖರೊ ಅರ್ಥ್ ಯೆತಾ
ಜಿವಿತ್ ಮ್ಹಳ್ಳೆಂ ತೆಂ ಏಕ್ ರೊದ್ ಕಶೆಂ ಆಸ್ತಾ ಮ್ಹಳ್ಳೆವಿಶಿಂ ಹೆ ಕವಿತೆಂತ್ ವೆಂಕಟೇಶಾನ್ ಸಾಂಗ್ಲಾಂ. ಜಶೆಂ ಶೆತಾಂತ್ ರಾಂದ್ವಯೆಚೆಂ ಭಿಂ ಕಿರ್‍ಲಲ್ಲೆ ಘಡಿಯೆ ಥಾವ್ನ್ ತಿ ಆಮ್ಚ್ಯಾ ಜೆವ್ಣಾ ಮೆಜಾರ್, ಪೊಟಾಕ್ ವೆತಾ ಪರ್‍ಯಾಂತ್ ಸುಕ್ಷೀಮಾಯೆನ್ ಆಮಿ ಪಳೆತಾಂವ್ ತರ್, ಜಾಯ್ತ್ಯೊ ಗಜಾಲಿ ಘಡ್ತಾತ್. ರಾಂದ್ವಯೆಚೆ ಸಂಗ್ತಿಂತ್ ದಾಡಾಂವ್ಚೆಂ, ಸೊಲ್ಚೆಂ, ಶಿಂದ್ಚೆಂ, ಕಾತರ್‍ಚೆಂ, ಹಾಲ್ಚೆಂ, ಧೊಲ್ಚೆಂ ಜಾಲ್ಲೆಪರಿಂ ಮನ್ಶಾಜಿವಿತಾಂತಯ್ ಘಡ್ತಾ.
ಪುಣ್ ನಿಮಾಣೆಂ ಜೆವಲ್ಲೆಂ ಖಾಣ್ ಮಾತ್ಯೆಂತ್ ಮೆಳ್ತಾ. ಮನೀಸಯ್ ಮಾತ್ಯೆಕ್ ವೆತಾ. ಮಾತಿಯೆಥಾವ್ನ್ ಆಯಿಲ್ಲೆಂ ಪರ್‍ತ್ಯಾನ್ ಮಾತಿಯೆಕ್ ಪಾವಲ್ಲ್ಯಾ ತೆನ್ನಾಂ ಜಿವಿತಾಕ್ ನೀಜ್ ಅರ್ಥ್ ಯೆತಾ.
ಹಾಂಗಾಸರ್ ರಾಂದಯಿಚೆಂ ರೂಪಕ್ ಬೋವ್ ಸಮರ್ಪಕ್ ರಿತಿನ್ ಕವಿನ್ ವಾಪರ್ ಕೆಲಾಂ.
-ಮೆಲ್ವಿನ್ ರೊಡ್ರಿಗಸ್
ಕವಿತಾ:
ರಾಂದಯಿ
ಜೀವ ಜೀವನ ಅಂಗ
ಸೃಷ್ಟಿ ಪುಷ್ಟಿ, ದೃಷ್ಟಿ ಪಡನಾ ತೇಂಬ
ಗಾಲ್ಲೇರೆ ಧ್ಯಾನ ಧಾನ್ಯ ತೀಂಬ
ಮೊಳಕಯ್ಯಲೆ ಆನೀ ರಾಂದಪಾಚೆ ಬಾಂದ
ಶೋಧಿಲೆ, ದುಲ್ಲೇ, ಆನೀ ಶಿಂದಿಲೆ
ದಾಡ್ಡಾಯಲೆ, ಸೊಲ್ಲಾಯಲೆ
ಮನಾಂತ ವಾಟ ಬಾಂದಿಲೆ
ಹುನಸಾಣೀಕ್ ಬಾವಲೋ
ಧವಲೋ, ತತ್ತವಳೀ ಗೂಂವಲೋ
ಮೀಟ ಮಿರ್ಸಾಂಗ್ ಚಿಂಚಾಂಬ
ಮಿರ್ಮಿರ್ಲೆ ಅಂಗ - ಆಂಗ
ಮಾಸೋಲ್ ಕಲ್ಲೈಲೆ
ಸಕ್ಕಡ ಮೇಳೈಲೆ
ಕರಬೇವ್, ಸಾಸಮ್,
ಪಿಯಾವ್, ಲೋಸೂಣ
ಜಾವಕಾ ಜಾಲೇಲ್
ಫಣ್ಣ್ ಘಾಲ್ಲೆ.
ರಾಂದಪ ಜಾಲೆ
ಕೇಳಿಪಾನ್ನಾರ್ ವಾಡಲೆ
ಪೊಟ್ಟಾ ಭೂಕೆ ಉಜ್ಜೇಕ್
ಸಕ್ಕಡ್ ಲಾಸೂನ್ ಜೀರ್ಣ್
ಗೊಬ್ಬೋರ್ ಮೆಳೆ ಮಾತ್ತಿಂತ್
ಪಾವ್ಸಾಕಿಟಿ ಪಡೂನ್
ಆಯ್ಲೆ ಜಾಲ್ಲ್ಯಾರ್ ಉಡಾಸ್
ತೆನ್ನಾ ಪರಿಪೂರ್ಣ್
-ವೆಂಕಟೇಶ ನಾಯಕ್
संपादकीय:
मात्येचो मनीस मात्येक पावताना जिविताक खरो अर्थ येता
जिवित म्हळ्ळें तें एक रोद कशें आसता म्हळ्ळेविशीं हे कवितेंत वेंकटेशान सांगलां. जशें शेतांत रांदवयेचें भीं किरलल्ले घडिये थावन ती आमच्या जेवणा मेजार, पोटाक वेता परयांत सुक्षीमायेन आमी पळेतांव तर, जायत्यो गजाली घडतात. रांदवयेचे संगतींत दाडांवचें, सोलचें, शिंदचें, कातरचें, हालचें, धोलचें जाल्लेपरीं मनशाजिवितांतय घडता.
पुण निमाणें जेवल्लें खाण मात्येंत मेळता. मनीसय मात्येक वेता. मात्येथावन आयिल्लें परत्यान मात्येक पावल्ल्या तेन्नां जिविताक नीज अर्थ येता.
हांगासर रांदयिचें रूपक बोव समर्पक रितीन कवीन वापर केलां.
-मेल्विन रोड्रीगस
कविता:
रांदयी
जीव जीवन अंग
सृष्टी पुष्टी, दृषटी पडना तेंब
गाल्लेरे ध्यान धान्य तींब
मोळकाय्यले आनी रांदपाचे बांद
शोधिले, धुल्ले, आनी शिंदिले
दाड्डायले, सोल्लायले
मनांत वाट बांदिले
हुनसाणीक बावलो
धवलो, तत्तवळी गूंवलो
मीट मिरसांग चिंचांब
मिर्मिरले अंग - आंग
मासोल कल्लैले
सक्कड मेळैले
करबेव, सासम,
पियाव, लोसूण
जावका जालेल
फण्ण घाल्ले.
रांदप जाले
केळीपान्नार वाडले
पोट्टा भूके उज्जेक
सक्कड लासून जीर्ण
गोब्बोर मेळे मात्तिंत
पावसाकिटी पडून
आयले जाल्ल्यार उडास
तेन्ना परिपूर्ण
-वेंकटेश नायक