ಎಚ್ಚೆಮ್ ಪೆರ್ನಾಲಾಚೆ ಅಭಿನಂದನ್ ಕಾರ್ಯಾವಳಿಂತ್ ಕವಿತಾ ಟ್ರಸ್ಟ್ ಭಾಗೆಲಿ
ಎಚ್ಚೆಮ್ ಪೆರ್ನಾಲಾಕ್ 2025ವ್ಯಾ ವರ್ಸಾಚೊ ಕೇಂದ್ರ್ ಸಾಹಿತ್ಯ ಅಕಾದಮಿಚೊ ಪುರಸ್ಕಾರ್ ತಾಂಚ್ಯಾ 'ಕೊಂಕಣಿ ಕಾವ್ಯೆಂ: ರುಪಾಂ ಆನಿ ರೂಪಕಾಂ’ ಪುಸ್ತಕಾಕ್ ಲಾಭಲ್ಲೊ ಆಸ್ತಾಂ, ತಾಕಾ ಸಮೇಸ್ತ್ ಕೊಂಕಣಿ ಪರ್ಜೆ ತರ್ಫೆನ್ ಮಾನ್ ಆನಿ ಅಭಿನಂದನ್ ಕರ್ಚೆಂ ಕಾರ್ಯೆಂ ಮಾಯ್ 15, 2026 ತಾರಿಕೆರ್ ಮಂಗ್ಳುರ್ಚ್ಯಾ ಟೌನ್ ಹೊಲಾಂತ್ ಚಲ್ಲೆಂ.
ಹಿ ಕಾರ್ಯಾವಳ್ ಮೈಕಲ್ ಡಿಸೋಜಾ ವಿಜನ್ ಕೊಂಕಣಿ ಬೊಂದೆರಾಖಾಲ್ ಚಲಲ್ಲಿ ಆಸುನ್, ಕವಿತಾ ಟ್ರಸ್ಟಾನ್ ಹಾಂತುಂ ಭಾಗೆಲಿಪಣ್ ಘೆತಲ್ಲೆಂ.
ಎಚ್ಚೆಮ್ ಪೆರ್ನಾಲಾಚೆಂ ಪುಸ್ತಕ್ ಕವಿತಾ ಟ್ರಸ್ಟಾನ್ ಪರ್ಗಟ್ ಕೆಲ್ಲೆಂ ಆಸುನ್, ಯೆದೊಳ್ ಪಾಸುನ್ ಕವಿತಾ ಟ್ರಸ್ಟಾಚ್ಯಾ ದೋನ್ ಪುಸ್ತಕಾಂಕ್ ಕೇಂದ್ರ್ ಸಾಹಿತ್ಯ ಅಕಾದಮಿಚೊ ಪುರಸ್ಕಾರ್ ಲಾಭ್ಲಾ. ಹ್ಯಾ ಆದಿಂ 2011ವ್ಯಾ ವರ್ಸಾ ಮೆಲ್ವಿನ್ ರೊಡ್ರಿಗಸಾಚ್ಯಾ ’ಪ್ರಕೃತಿಚೊ ಪಾಸ್’ ಪುಸ್ತಕಾಕ್ ಹೊ ಪುರಸ್ಕಾರ್ ಲಾಭಲ್ಲೊ.
ಕಾರ್ಯಾವಳಿ ಸಂದರ್ಭಾರ್ ಕವಿತಾ ಟ್ರಸ್ಟಾನ್ ಎಚ್ಚೆಮ್ ಪೆರ್ನಾಲಾಕ್ ಅಭಿನಂದನ್ ಪತ್ರ್ ದಿಲೆಂ. ಕವಿ ಆಂಡ್ರ್ಯೂ ಎಲ್. ಡಿಕುನ್ಹಾನ್ ಎಚ್ಚೆಮ್ಮಾಚಿ ಕವಿತಾ ’ಕಾಂಕ್ಣಾಂ ಗಲ್ಲೆಂತ್' ಫ್ರೇಮ್ ಕರುನ್ ಭೆಟಯ್ಲಿ.
ಹ್ಯಾ ಸಂದರ್ಭಾರ್ ಟ್ರಸ್ಟಿ ಮೆಲ್ವಿನ್ ರೊಡ್ರಿಗಸ್, ಆಂಡ್ರ್ಯೂ ಎಲ್ ಡಿಕುನ್ಹಾ, ಕಿಶೂ ಬಾರ್ಕೂರ್, ಎವ್ರೆಲ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್ ಆನಿ ಸಾಂಗಾತಿ ಟ್ರಸ್ಟಿ ವಿನ್ಸಿ ಪಿಂಟೊ ಆಂಜೆಲೊರ್, ಫೆಲ್ಸಿ ಲೋಬೊ ಆನಿ ಸ್ಟೇನಿ ಬೆಳಾ ಹಾಜರ್ ಆಸ್ಲೆ.
एच्चेम पेर्नालाचे अभिनंदन कार्यावळींत कविता ट्रस्ट भागेली
एच्चेम पेर्नालाक 2025व्या वर्साचो केंद्र साहित्य अकादमीचो पुरस्कार तांच्या 'कोंकणी काव्यें: रुपां आनी रूपकां’ पुस्तकाक लाभल्लो आसतां, ताका समेस्त कोंकणी पर्जे तरफेन मान आनी अभिनंदन करचें कार्यें माय 15, 2026 तारकेर मंगळूरच्या टौन हॉलांत चल्लें.
ही कार्यावळ मैकल डिसोजा विजन कोंकणी बोंदेराखाल चलल्ली आसून, कविता ट्रस्टान हांतूं भागेलीपण घेतल्लें.
एच्चेम पेर्नालाचें पुस्तक कविता ट्रस्टान पर्गट केल्लें आसून, येदोळ पासून कविता ट्रस्टाच्या दोन पुस्तकांक केंद्र साहित्य अकादमीचो पुरस्कार लाभला. ह्या आदीं 2011व्या वर्सा मेल्विन रोड्रीगसाच्या ’प्रकृतिचो पास’ पुस्तकाक हो पुरस्कार लाभल्लो.
कार्यावळी संदर्भार कविता ट्रस्टान एच्चेम पेर्नालाक अभिनंदन पत्र दिलें. कवी आंड्र्यू एल. डिकुन्हान एच्चेम्माची कविता ’कांकणां गल्लेंत' फ्रेम करून भेटयली.
ह्या संदर्भार ट्रस्टी मेल्विन रोड्रीगस, आंड्र्यू एल डिकुन्हा, किशू बारकूर, एवरेल रोड्रीगस, विलियम पायस आनी सांगाती ट्रस्टी विन्सी पिंटो आंजेलोर, फेल्सी लोबो आनी स्टेनी बेळा हाजर आसले.