ಮಂಗ್ಳುರಾಂತ್ ಟಿವಿ ರಿಯಾಲಿಟಿ ಶೋ ’ಬಿರಿಬಿರಿ ಪಾವ್ಸ್’ ಸ್ಪರ್ಧಿಕಾಂಚಿ ವಿಂಚವ್ಣ್
ಕೊಂಕ್ಣಿ ಕವಿತಾ ಸಾದರೀಕರಣಾಚೊ ಟಿವಿ ರಿಯಾಲಿಟಿ ಶೋ ’ಬಿರಿಬಿರಿ ಪಾವ್ಸ್’ ಹಾಚ್ಯಾ ಕರ್ನಾಟಕ್ ಆನಿ ಕೇರಳ್ ರಾಜ್ಯಾಂಚ್ಯಾ ಸ್ಪರ್ಧಿಕಾಂಚಿ ವಿಂಚವ್ಣ್ 2022 ಎಪ್ರಿಲಾಚ್ಯೆ 3 ತಾರಿಕೆರ್ ಮಂಗ್ಳುರ್ ದಾಯ್ಜಿವರ್ಲ್ಡ್ ಸ್ಟುಡಿಯೋಂತ್ ಚಲ್ಲಿ.
ಕವಿತಾ ಟ್ರಸ್ಟ್ ಆನಿ ದಾಯ್ಜಿವರ್ಲ್ಡ್ ಟೆಲಿವಿಶನ್ ಹಾಂಣಿ ಸಾಂಗಾತಾ ಮೆಳುನ್ ಸಾದರ್ ಕರ‍್ಚೊ ಹೊ ರಿಯಾಲಿಟಿ ಶೋ ಕೊಂಕ್ಣೆಂತ್ಲೊ ಫಕತ್ ಕವಿತಾ ಆನಿ ಕವಿತೆಚ್ಯೊ ಗಜಾಲಿ ಆಟಾಪ್ಚೊ ಪಯ್ಲೊ ಕೊಂಕ್ಣಿ ಟಿವಿ ರಿಯಾಲಿಟಿ ಶೋ ಜಾವ್ನಾಸಾ. ಕೇಂದ್ರ್ ಸಾಹಿತ್ಯ್ ಅಕಾಡೆಮಿ ಪುರಸ್ಕೃತ್ ಕವಿ ಮೆಲ್ವಿನ್ ರೊಡ್ರಿಗಸ್ ಆನಿ ಕೊಂಕ್ಣಿ ಕವಿ, ಸಂಘಟಕ್ ಟೈಟಸ್ ನೊರೊನ್ಹಾ ’ಬಿರಿಬಿರಿ ಪಾವ್ಸ್’ ವೆದಿರ್ ಕವಿತಾ ಸಾದರ್ ಕರ್ಚ್ಯಾ ಸ್ಪರ್ಧಿಕಾಂಚಿ ವರವ್ಣಿ ಕರ್ತಲೆ. ಉದೆತೊ ಸೂತ್ರ್‌ಸಂಚಾಲಕ್ ತಶೆಂ ಪ್ರಾಧ್ಯಾಪಕ್ ಮನೋಜ್ ಫೆರ್ನಾಂಡಿಸ್ ಹ್ಯಾ ಶೋ-ಚೆಂ ಸುಂಕಾಣ್ ಧರ್ತಲೊ. ವಿವಿಧ್ ಹಂತಾಂನಿ ಚಲ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ಜಿಕ್ಲೆಲ್ಯಾಂಕ್ ನಗ್ದೆನ್ ಇನಾಮಾಂ ಆಸ್ತಲಿಂ.
ಸ್ಟೇನಿ ಬೆಳಾ ಹ್ಯಾ ರಿಯಾಲಿಟಿ ಶೋ-ಚೊ ನಿರ್ದೇಶಕ್.
ಜೇಮ್ಸ್ ಮೆಂಡೊನ್ಸಾ ಆನಿ ಕುಟಮ್ ಹ್ಯಾ ಶೋ-ಚೆ ಪ್ರಾಯೋಜಕ್. ಕಾಮತ್ ಕೆಟರರ್ಸ್ ಸಹಪ್ರಾಯೋಜಕ್.
ದಾಯ್ಜಿವರ್ಲ್ಡ್ ಟಿವಿಚೆರ್ ಹರ್ ಬ್ರೇಸ್ತಾರಾ 9 ವೊರಾಂಕ್ ಹೊ ರಿಯಾಲಿಟಿ ಶೋ ಪ್ರಸಾರ್ ಜಾತಲೊ. ಮಂಗ್ಳುರಾಂತ್ ವೀಸ್ ಸ್ಪರ್ಧಿಕಾಂನಿ ಭಾಗ್ ಘೆತಲ್ಲೊ.
मंगळुरांत टिवी रियालिटी शो ’बिरिबिरी पावस’ स्पर्दिकांची विंचवण
कोंकणी कविता सादरीकरणाचो टिवी रियालिटी शो ’बिरिबिरी पावस’ हाच्या कर्नाटक आनी केरळ राज्यांच्या स्पर्दिकांची विंचवण 2022 एप्रिलाचे 3 तारकेर मंगळूर दायजीवरल्ड स्टुडियोंत चल्ली.
कविता ट्रस्ट आनी दायजीवरल्ड टेलिविशन हांणी सांगाता मेळून सादर करचो हो रियालिटी शो कोंकणेंतलो फकत कविता आनी कवितेच्यो गजाली आटापचो पयलो कोंकणी टिवी रियालिटी शो जावनासा. केंद्र साहित्य अकाडेमी पुरस्कृत कवी मेल्विन रोड्रीगस आनी कोंकणी कवी, संघटक टैटस नोरोन्हा ’बिरिबिरी पावस’ वेदीर कविता सादर करच्या स्पर्धिकांची वरवणी करतले. उदेतो सूत्रसंचालक तशें प्राध्यापक मनोज फेर्नांडीस ह्या शो-चें सुंकाण धरतलो. विवीध हंतांनी चलच्या ह्या स्पर्ध्यांत जिकलेल्यांक नगदेन इनामां आसतलीं.
स्टेनी बेळा ह्या रियालिटी शो-चो निर्देशक.
जेम्स मेंडोन्सा आनी कुटम ह्या शो-चे प्रायोजक. कामत कॅटरर्स सहप्रायोजक.
दायजीवरल्ड टिविचेर हर ब्रेस्तारा 9 वोरांक हो रियालिटी शो प्रसार जातलो. मंगळूरांत वीस स्पर्धिकांनी भाग घेतल्लो.