ಕವಿತಾ ಸಾದರೀಕರಣ್ ಸರ್ತ್ 2023: ಉಡುಪಿ ಥಾವ್ನ್ ಲವಿಟಾ, ರಿತೇಶ್ ಆನಿ ರಿಹಾ ಫೈನಲಾಕ್
ಕವಿತಾ ಟ್ರಸ್ಟ್ ಹಾಂಣಿ ಮಾಂಡುನ್ ಹಾಡ್ಚ್ಯಾ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಉಡುಪಿ ಪ್ರಾಥಮಿಕ್ ಪಾಂವ್ಡೊ ಹ್ಯಾಚ್ ನವೆಂಬರ್ 6, 2022 ತಾರಿಕೆರ್ ಉದ್ಯಾವರ್ ಸೈಂಟ್ ಫ್ರಾನ್ಸಿಸ್ ಕ್ಸೇವಿಯರ್ ಶಾಳೆಂತ್ ಚಲ್ಲೊ.
ನಿರಂತರ್ ಉದ್ಯಾವರ್ ಹಾಂಚ್ಯಾ ಸಾಂಗಾತ್ಪಣಾನ್ ಚಲೊವ್ನ್ ವ್ಹೆಲ್ಲೆ ಹ್ಯೆ ಸರ್ತೆಕ್ ಮುಕೆಲ್ ಸೈರೊ ಜಾವ್ನ್ ಫಾಮಾದ್ ಕನ್ನಡ ನಟ್, ತಶೆಂ ಹಾಸ್ಯಾಂಗಾರ್ ರಿಚರ್ಡ್ ಲುವಿಸ್ ತಾಚೆ ಪತಿಣೆ ಬರಾಬರ್ ಹಾಜರ್ ಆಸ್‌ಲ್ಲೊ. ನಿರಂತರ್ ಉದ್ಯಾವರ್ ಹಾಚೊ ಅಧ್ಯಕ್ಷ್ ಸ್ಟೀವನ್ ಕುಲಾಸೊನ್ ಯೆವ್ಕಾರ್ ದಿಲೊ.
ಕಿಶೂ ಬಾರ್ಕೂರ್, ಎಂಡ್ರ್ಯೂ ಎಲ್. ಡಿಕುನ್ಹಾ ಆನಿ ವಿಲಿಯಮ್ ಪಾಯ್ಸ್ ವೊರಯ್ಣಾರ್ ಜಾವ್ನ್ ಆಸ್‌ಲ್ಲೆ.
ಪಂದ್ರಾ ವರ್ಸಾಂ ಸಕಯ್ಲ್ಯಾ ಭುರ್ಗ್ಯಾಂಚ್ಯಾ ವಿಭಾಗಾಂತ್ ದೊಗಾಂ ಭುರ್ಗ್ಯಾಂನಿ ವಾಂಟೊ ಘೆತ್ಲೊ ತರ್, ತೀಸ್ ವರ್ಸಾಂ ವಯ್ಲ್ಯಾಂಚ್ಯಾ ವಿಭಾಗಾಂತ್ ಸ ಜಣಾಂನಿ ವಾಂಟೊ ಘೆತ್ಲೊ.
ಜನೆರ್ 8, 2023 ತಾರಿಕೆರ್, ಕವಿತಾ ಫೆಸ್ತ್ ಸಂದರ್ಭಾರ್, ಬೆಳಾ, ಕಾಸರ್‌ಗೋಡ್ ಹಾಂಗಾಸರ್ ಚಲ್ಚ್ಯಾ ಫೈನಲಾ ಖಾತೀರ್ ಹಿಂ ವಿಂಚುನ್ ಆಯ್ಲಿಂ:
ಭುರ್ಗ್ಯಾಂಚೊ ವಿಭಾಗ್: ರಿಹಾ ಡಿಸೋಜಾ, ಉದ್ಯಾವರ್
ವ್ಹಡಾಂಚೊ ವಿಭಾಗ್: ಲವೀಟಾ ಡಿಸೋಜಾ, ನಕ್ರೆ ಆನಿ ರಿತೇಶ್ ಡಿಸೋಜಾ, ಉದ್ಯಾವರ್
ಹ್ಯಾ ಸಂದರ್ಭಾರ್ ನಿರಂತರ್ ಉದ್ಯಾವರ್ ಸಂಚಾಲಕ್ ಮೈಕಲ್ ಡಿಸೋಜಾ ಹಾಜರ್ ಆಸ್‌ಲ್ಲೊ.