ಕೊಂಕಣಿ ಕವಿತಾ ಸಾದರೀಕರಣ್ ಸರ್ತ್: ಮಡ್ಗಾಂವ್ ಥಾವ್ನ್ 5 ಭುರ್ಗಿಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಚಲೊಂವ್ಚ್ಯಾ, ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಮಡ್ಗಾಂವ್ ಪ್ರಾಥಮಿಕ್ ಪಾಂವ್ಡೊ ಹ್ಯಾಚ್ ನವೆಂಬರ್ 15, 2022 ತಾರಿಕೆರ್ ಮಡ್ಗಾಂವ್ಚ್ಯಾ ರವೀಂದ್ರ ಕೆಳೇಕಾರ್ ಜ್ಞಾನ್‌ಮಂದಿರ್ ಶಾಳೆಂತ್ ಚಲ್ಲೊ.
ಭುರ್ಗ್ಯಾಂಚಿ ಹಿ ಸರ್ತ್ ನೊವ್ಯಾ ವರ್ಸಾಂತ್ ಆಸುನ್ ಮಡ್ಗಾಂವ್ಚೊ ಹೊ ಪಾಂವ್ಡೊ ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಂಚ್ಯಾ ಜೋಡ್ ಆಶ್ರಯಾಖಾಲ್ ಮಾಂಡುನ್ ಹಾಡ್‌ಲ್ಲೊ.
ಕೊಂಕಣಿ ಭಾಷಾ ಮಂಡಳ್, ಗೊಂಯ್ ಹಾಚಿ ಅಧ್ಯಕ್ಷಾ ಅನ್ವೇಷಾ ಸಿಂಗ್‌ಬಾಳಾನ್ ಸುರ‍್ವೆರ್ ಯೆವ್ಕಾರ್ ದಿತಚ್, ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ವೊರಯ್ಣಾರ್ ಜಾವ್ನ್ ವಿಲಿಯಮ್ ಪಾಯ್ಸ್ ತಶೆಂಚ್ ಕಿಶೂ ಬಾರ್ಕೂರ್ ಆಸಲ್ಲೆ, ಟ್ರಸ್ಟಿ ವಿತೊರಿ ಕಾರ್ಕಳಾನ್ ವೆದಿವಯ್ಲಿ ಜವಾಬ್ದಾರಿ ಸಾಂಬಾಳ್‌‍ಲ್ಲಿ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 24 ಭುರ್ಗ್ಯಾಂನಿ ವಾಂಟೊ ಘೆತ್‌ಲ್ಲೊ ತರ್, ತೀಸ್ ವರ್ಸಾಂ ವಯ್ಲ್ಯಾಂಚ್ಯಾ ವಿಭಾಗಾಂತ್ 4 ಜಣಾಂನಿ ಕವಿತಾ ಸಾದರ್ ಕೆಲಿ. ಜನೆರ್ 8, 2023 ತಾರಿಕೆರ್ ಕೇರಳ ಕಾಸರ್‌ಗೋಡ್ ಜಿಲ್ಲ್ಯಾಚ್ಯಾ ಬೆಳಾಂತ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಹ್ಯೆ ಸರ್ತೆಚೆಂ ಫೈನಲ್ ಜಾತಲೆಂ. ಹ್ಯಾ ಫೈನಲಾಕ್ ಮಡ್ಗಾಂವ್ ಥಾವ್ನ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ಭುರ್ಗ್ಯಾಂಚೊ ವಿಭಾಗ್:
ಆರಾಧ್ಯ ಪೈ; ಆಯನ್ ಭಟ್; ಪ್ರಜ್ಯೋತ್ ಪರ್ವತ್‌ಕಾರ್; ನೈತಿಕ್ ಮಲಾಡ್ಕಾರ್ ಆನಿ ಶ್ರೀಜಾ ಆಲ್ವೆ.
ವ್ಹಡಾಂಚೊ ವಿಭಾಗ್:
ಅಂಬೇಶ್ ತಲ್ವಡ್ಕಾರ್.
ಅನ್ವೇಷಾ ಸಿಂಗ್‌ಬಾಳಾನ್ ಸರ್ತೆಂತ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
कोंकणी कविता सादरीकरण सर्त: मडगांव थावन 5 भुरगीं फैनलाक
कविता ट्रस्टान चलोंवच्या, नेल्सन आनी लवीना रोड्रिक्स - चाफ्रा देकोस्ता स्मारक अखील भारत कोंकणी कविता सादरीकरण सर्तेचो मडगांव प्राथमीक पांवडो ह्याच नोवेंबर 15, 2022 तारकेर मडगांवच्या रवींद्र केळेकार ज्ञानमंदीर शाळेंत चल्लो.
भुरग्यांची ही सर्त नोव्या वरसांत आसून मडगांवचो हो पांवडो कोंकणी भाषा मंडळ, गोंय हांच्या जोड आश्रयाखाल मांडून हाडल्लो.
कोंकणी भाषा मंडळ, गोंय हाची अध्यक्षा अन्वेषा सिंगबाळान सुरवेर येवकार दितच, कविता ट्रस्ट स्थापक मेल्विन रोड्रीगसान सर्तेचीं नेमां सांगलीं. वोरयणार जावन विलियम पायस तशेंच किशू बारकूर आसल्ले, ट्रस्टी वितोरी कार्कळान वेदीवयली जवाब्दारी सांबाळल्ली.
भुरग्यांच्या विभागांत 24 भुरग्यांनी वांटो घेतल्लो तर, तीस वरसां वयल्यांच्या विभागांत 4 जाणांनी कविता सादर केली. जानेर 8, 2023 तारकेर केरळ कासरगोड जिल्ल्याच्या बेळांत चलच्या कविता फेस्त संदर्भार ह्ये सर्तेचें फैनल जातलें. ह्या फैनलाक मडगांव थावन विंचून आयिल्ल्यांचीं नांवां ह्येपरीं आसात:
भुरग्यांचो विभाग:
आराध्या पै; आयन भट; प्रज्योत पर्वतकार; नैतीक मलाडकार आनी श्रीजा आलवे.
व्हडांचो विभाग:
अंबेश तलवडकार.
अन्वेषा सिंगबाळान सर्तेंत भाग घेतल्ल्या सर्वांक प्रमाण पत्रां वांटलीं.