ಕೊಂಕಣಿ ಕವಿತಾ ಸಾದರೀಕರಣ್ ಸರ್ತ್: ಕೇರಳ ಥಾವ್ನ್ 3 ಭುರ್ಗಿಂ ಫೈನಲಾಕ್
ಕವಿತಾ ಟ್ರಸ್ಟಾನ್ ಚಲೊಂವ್ಚ್ಯಾ, ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಕೇರಳ ಪ್ರಾಥಮಿಕ್ ಪಾಂವ್ಡೊ ಹ್ಯಾಚ್ ನವೆಂಬರ್ 19, 2022 ತಾರಿಕೆರ್ ಕಾಸರ್‌ಗೋಡ್ ಕುಂಬ್ಳಾಚ್ಯಾ ಹೋಲಿ ಫ್ಯಾಮಿಲಿ ಶಾಳೆಂತ್ ಚಲ್ಲೊ.
ಭುರ್ಗ್ಯಾಂಚಿ ಹಿ ಸರ್ತ್ ನೊವ್ಯಾ ವರ್ಸಾಂತ್ ಆಸುನ್ ಕೇರಳಾಚೊ ಹೊ ಪಾಂವ್ಡೊ ’ಮಹಿಮಾ’ ಪತ್ರಾಚ್ಯಾ ಜೋಡ್ ಆಶ್ರಯಾಖಾಲ್ ಮಾಂಡುನ್ ಹಾಡ್‌ಲ್ಲೊ.
ಸುರ‍್ವೆರ್ ಕವಿತಾ ಟ್ರಸ್ಟ್ ಸ್ಥಾಪಕ್ ಮೆಲ್ವಿನ್ ರೊಡ್ರಿಗಸಾನ್ ಯೆವ್ಕಾರ್ ದಿಲೊ ಆನಿ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ವೊರಯ್ಣಾರ್ ಜಾವ್ನ್ ವಿಲಿಯಮ್ ಪಾಯ್ಸ್ ತಶೆಂಚ್ ಸ್ಟೇನಿ ಬೆಳಾ ಆಸಲ್ಲೆ. ಎಸೋಶಿಯೇಟ್ ಟ್ರಸ್ಟಿ ವಿನ್ಸಿ ಪಿಂಟೊ ಆಂಜೆಲೊರಾನ್ ವೆದಿವಯ್ಲಿ ಜವಾಬ್ದಾರಿ ಸಾಂಬಾಳ್‌‍ಲ್ಲಿ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 9 ಭುರ್ಗ್ಯಾಂನಿ ವಾಂಟೊ ಘೆತ್‌ಲ್ಲೊ. ಜನೆರ್ 8, 2023 ತಾರಿಕೆರ್ ಕೇರಳ ಕಾಸರ್‌ಗೋಡ್ ಜಿಲ್ಲ್ಯಾಚ್ಯಾ ಬೆಳಾಂತ್ ಚಲ್ಚ್ಯಾ ಕವಿತಾ ಫೆಸ್ತ್ ಸಂದರ್ಭಾರ್ ಹ್ಯೆ ಸರ್ತೆಚೆಂ ಫೈನಲ್ ಜಾತಲೆಂ. ಹ್ಯಾ ಫೈನಲಾಕ್ ಕೇರಳ ಥಾವ್ನ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಹ್ಯೆಪರಿಂ ಆಸಾತ್:
ಭುರ್ಗ್ಯಾಂಚೊ ವಿಭಾಗ್:
ಪ್ರಿಯಾಲ್ ಕ್ರಾಸ್ತಾ; ರಿಶಾ ಮಾರ್ಟಿಸ್ ಆನಿ ಡ್ಯಾನಿಕಾ ಪಹಾಲ್.
ಮೆಲ್ವಿನ್ ರೊಡ್ರಿಗಸಾನ್ ಭಾಗ್ ಘೆತಲ್ಲ್ಯಾ ಸರ್ವಾಂಕ್ ಪ್ರಮಾಣ್ ಪತ್ರಾಂ ವಾಂಟ್ಲಿಂ.
कोंकणी कविता सादरीकरण सर्त: केरळ थावन 3 भुरगीं फैनलाक
कविता ट्रस्टान चलोंवच्या, नेल्सन आनी लवीना रोड्रिक्स - चाफ्रा देकोस्ता स्मारक अखील भारत कोंकणी कविता सादरीकरण सर्तेचो केरळ प्राथमीक पांवडो ह्याच नोवेंबर 19, 2022 तारकेर कासरगोड कुंबळाच्या होली फॅमिली शाळेंत चल्लो.
भुरग्यांची ही सर्त नोव्या वरसांत आसून केरळाचो हो पांवडो ’महिमा’ पत्राच्या जोड आश्रयाखाल मांडून हाडल्लो.
सुरवेर कविता ट्रस्ट स्थापक मेल्विन रोड्रीगसान येवकार दिलो आनी सर्तेचीं नेमां सांगलीं. वोरयणार जावन विलियम पायस तशेंच स्टेनी बेळा आसल्ले. एसोशियेट ट्रस्टी विन्सी पिंटो आंजेलोरान वेदीवयली जवाब्दारी सांबाळल्ली.
भुरग्यांच्या विभागांत 9 भुरग्यांनी वांटो घेतल्लो. जानेर 8, 2023 तारकेर केरळ कासरगोड जिल्ल्याच्या बेळांत चलच्या कविता फेस्त संदर्भार ह्ये सर्तेचें फैनल जातलें. ह्या फैनलाक केरळ थावन विंचून आयिल्ल्यांचीं नांवां ह्येपरीं आसात:
भुरग्यांचो विभाग:
प्रियाल क्रास्ता; रिशा मार्टीस आनी डॅनिका पहाल.
मेल्विन रोड्रीगसान भाग घेतल्ल्या सर्वांक प्रमाण पत्रां वांटलीं.