ಕವಿತಾ ಟ್ರಸ್ಟಾನ್ ಹ್ಯಾಚ್ ಜ್ಯೂನ್ ಮ್ಹಯ್ನ್ಯಾಚೆ ಧಾ ತಾರಿಕೆರ್ ಪುತ್ತೂರ್ ಫಿಲೊಮಿನಾ ಕೊಲೆಜಿಚ್ಯಾ ಪಿ. ಜಿ. ಸೆಮಿನಾರ್ ಹೊಲಾಂತ್ 'ಕವಿತಾ ಧೊಣು' ಕೊಂಕಣಿ ಕವಿಗೋಷ್ಟಿ ಚಲೊವ್ನ್ ವೆಲಿ. ಹ್ಯಾ ಧೊಣ್ವಾಕ್ ಎಕ್ವೀಸ್ ರಂಗ್ ಮ್ಹಳ್ಳೆಬರಿ ತಿತ್ಲ್ಯಾ ಕವಿಂನಿ ತಾಂಚ್ಯೊ ಕವಿತಾ ವಾಚನ್ ಕೆಲ್ಯೊ. ಪುತ್ತೂರ್ ಫಿಲೊಮಿನಾ ಕೊಲೆಜಿಚೆ ಕ್ಯಾಂಪಸ್ ನಿರ್ದೇಶಕ್ ತಶೆಂಚ್ ಪಿ. ಜಿ. ಕೇಂದ್ರಾಚೆ ನಿರ್ದೇಶಕ್ ಫಾ. ಆಂಟನಿ ಪ್ರಕಾಶ್ ಮೊಂತೇರೊ ಹ್ಯಾ ಸಂದರ್ಭಾರ್ ಮುಕೆಲ್ ಸೈರೊ ಜಾವ್ನ್ ಆಯಿಲ್ಲೆ. ಸುರ್‍ವೆರ್ ಥಳೀಯ್ ಸಂಚಾಲಕಿ ಡಿಂಪಲ್ ಫೆರ್ನಾಂಡಿಸಾನ್ ಸರ್‍ವಾಂಕ್ ಯೆವ್ಕಾರ್ ಮಾಗ್ಲೊ. ಕವಿತಾ ಟ್ರಸ್ಟಾ ತರ್ಫೆನ್ ಟ್ರಸ್ಟಿ ವಿಲಿಯಮ್ ಪಾಯ್ಸಾನ್ ಟ್ರಸ್ಟಾಚ್ಯಾ ವಾವ್ರಾವಿಶಿಂ ಮ್ಹಾಯೆತ್ ದಿಲಿ. ಆಪ್ಲ್ಯಾ ಮುಕೆಲ್ ಸೈರ್‍ಯಾಚ್ಯಾ ಉಲೊವ್ಪಾಂತ್ ಫಾ. ಆಂಟನಿ ಪ್ರಕಾಶ್ ಮೊಂತೇರೊನ್ ಸಾಂಗ್ಲೆಂಕಿ " ಹಾಂವ್ ಬೆಂಗ್ಳುರಾಂತ್ ಶಿಕುನ್ ಆಸ್ತಾನಾ ಭಾಶೆ ಖಾತೀರ್ ಝಗಡ್ಚ್ಯಾ ...